Coronafeirws: gwybodaeth bellach i ymwelwyr

Henebion heb staff a meysydd parcio Cadw yn cau

Oherwydd pryderon dros ledaenu Coronafeirws ymhellach a lles ein hymwelwyr, mae’n ddrwg gennym ni orfod datgan bod henebion heb staff a meysydd parcio Cadw sydd â gatiau sy’n cloi yn cau o 5pm heno (dydd Llun 23 Mawrth) am gyfnod amhenodol. Rydyn ni’n edrych ymlaen at wahodd pobl i fwynhau’r henebion anhygoel hyn unwaith eto cyn gynted ag y gallwn ni.

Mae Cadw eisioes wedi penderfynu cau pob safle sydd â chanolfannau ymwelwyr â staff ac yn cynghori’r cyhoedd i ddilyn canllawiau ymbellhau cymdeithasol y Llywodraeth ac edrych ar wefan Cadw am y newyddion diweddaraf. Gofynnwn yn garedig i chi edrych ar wybodaeth am safleoedd unigol ar ein gwefan i gael gwybodaeth am yr henebion sydd bellach ar gau.

Ymddiheurwn wrth ein hymwelwyr a’n haelodau am yr anghyfleustra hwn, byddwn ni’n ceisio rhoi’r newyddion diweddaraf i’n haelodau ar ein cylchlythyr a’n gwefan. Byddwn ni’n ymestyn pob aelodaeth am 3 mis yn awtomatig ac yn adolygu hyn wrth i’r sefyllfa ddatblygu.

Rydym yn gwerthfawrogi bod hwn yn gyfnod anodd i bawb ac rydym yn gwerthfawrogi'n fawr eich aelodaeth barhaus gyda Cadw a'r cymorth y mae hyn yn ei ddarparu i gadw ein henebion yn ddiogel i ymwelwyr a'u diogelu a'u gwarchod yn briodol.