Caer a Baddonau Rhufeinig Caerllion
Hysbysiad ymwelwyr
Os ydych chi’n bwriadu ymweld ag Amgueddfa Lleng Rufeinig Cymru (rhan o Amgueddfa Cymru), gwiriwch yr amseroedd agor a’r gofynion cyfredol o ran tocynnau.
Gwefan Amgueddfa Lleng Rufeinig Cymru
Diolch.
Arolwg
Bywyd moethus a gwaedlyd y gaer Rufeinig
Roedd bywyd yn galed i lengfilwr Rhufeinig yng Nghymru’r ganrif gyntaf. Pan na fyddai wedi’i gau yn ei farics neu’n goddef cyfarth canwriad, byddai allan yn mentro ei fywyd mewn ysgarmesau â Brythoniaid hynafol.
Ond yma yn Isca, un o dair lleng-gaer barhaol yn unig ym Mhrydain, gwnaethpwyd iawn am hyn oll. Gallai’r llengfilwr bob amser dreulio amser gyda’i ffrindiau ym maddonau’r gaer – neu fynd am dro i’r amffitheatr i wylio’r gladiatoriaid.
Mewn adeilad modern dan do yng Nghaerllion heddiw, gallwch archwilio olion y pwll nofio awyr agored, neu natatio eang, a arferai ddal mwy na 80,000 galwyn o ddŵr. Yn sgil rhyfeddodau taflunio ffilm, cewch gipolwg ar filwr Rhufeinig yn dal i blymio i’r dyfnderoedd heddiw.
Cewch hefyd weld yr ystafelloedd cyfyng lle cysgai’r dynion a lle cadwent eu harfau – yr unig farics llengol Rhufeinig sydd i’w gweld o hyd yn Ewrop.
A gallwch gerdded drwy fynedfa fawr y gogledd i’r amffitheatr Rufeinig fwyaf cyflawn ym Mhrydain a dychmygu mwstwr 6,000 o bobl yn udo am waed.
Sut i ymweld
• prynwch eich tocynnau mynediad wrth gyrraedd (neu archebwch ar-lein)*
• gwiriwch ein hamseroedd agor a’n prisiau isod
• cymerwch olwg ar gyngor iechyd a diogelwch Llywodraeth Cymru cyn ymweld.
*ni ellir ad-dalu tocynnau a ragarchebwyd.
![Caerleon Roman Fortress Guidebook](/sites/default/files/styles/pamphlet_image/public/2019-05/caerleon-roman-fortress-baths-15081-2018-04-12-17-02-38.jpg?h=632e1fcd&itok=PMSSCdTh)
Caer a Baddonau Rhufeinig Caerllion Pamffledyn Canllaw
Prynwch eich llyfr Cadw ar-lein heddiw.
Aelodau Cadw 10% i ffwrdd!
![Olion yr ystafell boeth (Caldarium) a'r ystafell oer (Frigidarium) / The remains of the hot room (Caldarium) and cold room (Frigidarium).](/sites/default/files/styles/image_gallery_two/public/2023-07/DSC_3559.jpg?itok=De4IyClT)
![Atgynhyrchiadau o arteffactau / Replica artefacts.](/sites/default/files/styles/image_gallery_three/public/2023-07/DSC_3439.jpg?itok=CN-NH2o7)
![Olion basn marmor yn dangos pen gorgon / Remains of a marble basin showing the head of a gorgon.](/sites/default/files/styles/image_gallery_three/public/2023-07/DSC_3512.jpg?itok=ZUUMEzsL)
![](/sites/default/files/styles/image_gallery_full_size/public/2023-07/DSC_3559.jpg?itok=7QQZb49E)
![](/sites/default/files/styles/image_gallery_full_size/public/2023-07/DSC_3439.jpg?itok=sQM2lLXh)
![](/sites/default/files/styles/image_gallery_full_size/public/2023-07/DSC_3512.jpg?itok=U3uW2k_a)
![](/sites/default/files/styles/image_gallery_full_size/public/2023-07/DSC_3507.jpg?itok=JBzwynlL)
![](/sites/default/files/styles/image_gallery_full_size/public/2023-07/DSC_3178.jpg?itok=_93P1c8V)
![](/sites/default/files/styles/image_gallery_full_size/public/2023-07/DSC_2267.jpg?itok=4otKftoY)
Amseroedd agor
Bob dydd 10am–5pm
Mynediad olaf 30 munud cyn cau
Ar gau 24, 25, 26 Rhagfyr a 1 Ionawr
Prisiau a Thocynnau
Categori | Price |
---|---|
Aelod - Ymunwch rŵan |
Am ddim
|
Oedolyn |
£5.30
|
Teulu* |
£17.00
|
Person Anabl a Chydymaith |
Am ddim
|
Plant (Oed 5-17) / Myfyriwr |
£3.70
|
Pobl hŷn (Oed 65+) |
£5.10
|
*2 oedolyn a hyd at 3 plentyn Mae pob plentyn o dan 5 oed yn cael mynediad am ddim Mae deiliaid cardiau Golau Glas ac aelodau a chyn-aelodau Lluoedd Arfog EF yn cael 10% oddi ar bris mynediad (ddim ar gael ar-lein).
|
Cyfleusterau
Darllenwch ein canllaw hygyrchedd i gael gwybodaeth am sut i gynllunio eich ymweliad.
Maes parcio talu ac arddangos gyferbyn â'r baddonau, tua 20 o leoedd.
Dim maes parcio hygyrch penodol
Mae arddangosfa ar y safle o fewn yr heneb.
Mae siop ar y safle sy’n cynnig amrywiaeth o gynnyrch a llyfrau.
Llawlyfr am y safle ar gael i’w brynu ar-lein ac mewn canolfannau ymwelwyr dethol.
Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau
Ni chaniateir ysmygu.
Mae dolen sain gludadwy ar gael.
Mae lluniaeth ysgafn ar gael.
Grwpiau ysgol ac addysgwyr cartref
Mae Amgueddfa Lleng Rufeinig Cymru yn cydlynu'r holl archebion ar gyfer ymweliadau addysgol ar gyfer ymweliadau safle ac amgueddfeydd Cadw cyfunol yng Nghaerllion.
I archebu eich ymweliad ffoniwch 02920 573547 neu e-bostiwch learning.romans@museumwales.ac.uk
Ewch i wefan yr Amgueddfa Genedlaethol am fwy o wybodaeth.
Teuluoedd maeth, Tempo, Timebanking UK a Grwpiau Eraill â Chymorth: cysylltwch â ni yn uniongyrchol i archebu eich ymweliad: 01633 422518
Mae’r safle ar gael i’w logi ar gyfer digwyddiadau, arddangosfeydd a ffilmio.
Mae’r safle ar gael i’w logi ar gyfer digwyddiadau, arddangosfeydd a ffilmio.
Cyfarwyddiadau
Cod post NP18 1AE
Am fwy o wybodaeth, cysylltwch â: Traveline Cymru ar 0800 464 0000 neu Ymholiadau Rheilffyrdd Cenedlaethol ar 03457 48 49 50
Cysylltu â ni
Rhif ffôn 03000 252239
E-bost
CaerleonFortressBaths@llyw.cymru
High St, Caerleon, Casnewydd NP18 1AE
Ar gyfer contractwyr a danfoniadau, ffoniwch 01633 422518
Rydym yn croesawu galwadau yn Gymraeg.