Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Ydych chi’n angerddol am ffotograffiaeth, hanes a dal harddwch safleoedd Cadw? Rydyn ni’n eich gwahodd i rannu eich ffotograffau gorau o henebion Cadw am gyfle i ymddangos yng Nghalendr Cadw 2026!

Byddem wrth ein bodd yn gweld sut rydych chi’n dal ein safleoedd trwy eich lens. O olygfeydd godidog, syfrdanol i fanylion diddorol yr anghofir amdanyn nhw, rydyn ni’n chwilio am ddelweddau trawiadol sy’n arddangos ein hadeiladau a’n safleoedd archeolegol yn eu holl ogoniant.

P’un a ydych chi wedi ymweld â chastell enwog, wedi archwilio heneb hynafol, neu wedi dod ar draws trysor cudd, rydyn ni am weld eich eiliadau Cadw unigryw. Rydyn ni hefyd am weld amrywiaeth o ffotograffau sy’n cwmpasu’r holl dymhorau, felly anfonwch eich lluniau o’n safleoedd yn y gwanwyn, yr hydref, yr haf, a’r gaeaf atom.

Dyma eich cyfle i rannu eich doniau ffotograffig gyda chynulleidfa ehangach. Gallai eich delweddau fod yn addurno waliau cartrefi a swyddfeydd ledled Cymru a’r byd ehangach yn 2026. 

Canllawiau Cyflwyno

  • Ffefrir ffotograffau eglur iawn, ar ‘dirwedd’
  • Lluniau o’r llawr yn unig – dim ffotograffau drôn
  • Gallwch gyflwyno hyd at 3 ffotograff ar gyfer pob cais
  • Dylai lluniau fod yn wreiddiol ac wedi’u tynnu ganddoch chi
  • Dim pobl yn y ffotograffau

Sut i ymgeisio:

Anfonwch eich e-byst at CADWMarketing@llyw.cymru gyda’r llinell bwnc “Calendr Cadw 2026”.

Rhowch eich enw, gwybodaeth gyswllt, a disgrifiad byr o bob llun.

Dilynwch ni ar Facebook ac Instagram am ddiweddariadau a hysbysiadau.

Facebook @CadwWales 

Instagram @cadwcymruwales

Gwobrau:

  • Bydd lluniau dethol yn cael eu cynnwys yng Nghalendr Cadw 2026.
  • Bydd cyfranwyr llwyddiannus yn derbyn copi am ddim o’r calendr.

Dyddiad cau ar gyfer ceisiadau: Dydd Gwener, 28 Chwefror 2025.

Hawlfraint a Pherchnogaeth

Ni fydd cyflwyno eich ffotograffau i’n cystadleuaeth galendr yn effeithio ar eich hawlfraint neu berchnogaeth o’r delweddau. 

Er eich bod yn rhoi’r hawl i Cadw ddefnyddio’ch ffotograffau at y diben penodol o’u cynnwys mewn cynnyrch masnachol — calendr Cadw 2026 — gan gynnwys hyrwyddo ac arddangos mewn cysylltiad â’r gystadleuaeth, ni fyddwn yn caffael unrhyw hawliau perchnogaeth. Mae eich gwaith creadigol yn parhau i fod yn eiddo i chi, ac mae croeso i chi arddangos, gwerthu neu drwyddedu eich delweddau’n annibynnol os ydych chi am wneud hynny.

Gwaith Haearn Blaenafon / Blaenafon Ironworks

Blaenafon Ironworks
golygfa o ail-greu ar dir y castell / view of re-enactors in the castle grounds

Castell Caernarfon
Baddonau Rhufeinig Caerllion/Caerleon Roman Baths view of the natatio

Caerleon Roman Baths
Castell Cricieth

Castell Cricieth