Safleoedd Cadw sy’n gyfeillgar i gŵn ar draws Cymru

Does dim angen i chi adael un o aelodau pwysicaf y teulu adref pan fyddwch chi’n  mentro ar eich antur nesaf. Mae gennym ni gestyll, abatai a thai anhygoel y gallwch ymweld â nhw gyda digonedd o le i bawb fwynhau ychydig o ymlacio wedi teithio.

Beth am gymryd cipolwg ar ein safleoedd sy’n gyfeillgar i gŵn o’r rhestr isod? Os byddwch angen mwy o wybodaeth am y cyfleusterau yn ein safleoedd yna cysylltwch â’n ceidwaid yn uniongyrchol i dderbyn gwybodaeth benodol ar gyfer safle hwnnw.

Yn anffodus, nid yw nifer cyfyngedig o’n mannau hanesyddol yn caniatáu cŵn (ac eithrio cŵn cymorth) am resymau diogelwch neu i ddiogelu ffabrigau mewnol cain. Dim ond cŵn cymorth a hyfforddwyd gan Assistance Dogs UK neu eu haelod-sefydliadau a chŵn chwilio’r heddlu all gael mynediad i’r lefelau uchaf.

Cofiwch:

Er mwyn sicrhau bod ein holl ymwelwyr yn cael diwrnod allan gwych, cadwch bob ffrind pedair coes dan reolaeth ac ar dennyn byr bob amser; glanhewch ar ôl eich anifail anwes a mwynhewch fynediad i’r lloriau gwaelod yn unig.

Byddwch yn ymwybodol, er mwyn diogelwch, mae gan staff y safle y disgresiwn i wrthod mynediad i gŵn nad ydyn nhw o dan reolaeth neu ar dennyn.

Mae manylion cyswllt a gwybodaeth bellach am ymweld â safle sy’n gyfeillgar i gŵn i’w weld ar ein tudalennau sy’n rhestru’r henebion. Ewch i’r Adran Ymweliadau i weld y manylion llawn.