Castell Llanhuadain

SA67 8HL
Maes parcio
Croeso i gŵn
Polisi dronau

Castell-blas anghofiedig sy’n aros yn y cof

Mae’n werth gyrru ychydig bach oddi ar yr A40 prysur ar eich ffordd drwy Sir Benfro i ymweld â’r castell hwn nad oes neb llawer yn gwybod amdano. Ar safle aruchel ymhlith coedwig deg a thir ffermio tonnog, mae cymysgedd anghonfensiynol Llanhuadain o nodweddion milwrol ac addurnol yn datgelu ei brif ddiben mewn bywyd: sef plas ag amddiffynfeydd yn fwy na chastell go iawn, wedi’i ddylunio’n breswylfa i esgobion cefnog Tyddewi a oedd yn hoff o’u cysuron cartref.

Bu’n safle cryn wasanaeth gweithgar cyn cael ei ailadeiladu ar hyd ei linellau presennol yn y 14eg ganrif gan yr Esgob David Martin. Roedd rhandai preifat, cwrt, llety i westeion ac anheddau i arsiwn parhaol. Y peth mwyaf trawiadol un yw talcen y porthdy, a ychwanegwyd tua diwedd y 14eg ganrif, ac sy’n dal i sefyll i’w lawn uchder.

Amseroedd agor a phrisiau

Amseroedd agor

1st Ebrill - 31st Mawrth	10am–4pm
Mynediad olaf 30 munud cyn cau Ar gau 24, 25, 26 Rhagfyr a 1 Ionawr

Gwybodaeth i ymwelwyr

Maes parcio

Mae maes parcio o fewn 250 metr, tua lle i 5 car.

Ceir mynediad drwy lôn darmac.

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Anhawster cerdded

Tirwedd: Lefel 2 – Hawdd

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Rhaid cerdded ar hyd llethr byr ar lwybr anwastad i gael mynediad i’r castell. Gall y llwybr fod yn llithrig pan mae'n wlyb ac mae'r hen graig yn rhan ohono. Gallai achosi perygl o ran baglu.

Gall rhannau isaf y tiroedd allanol orlifo a gall dŵr dwfn gronni mewn mannau. Rhaid talu sylw wrth ymweld mewn tywydd gwael.

Mae'r rhan fwyaf o'r safle wedi'i orchuddio â glaswellt ac mae'r rhan fwyf o’r ardaloedd mewnol yn wastad.

Ceir cyfuniad o risiau carreg hanesyddol a grisiau dur modern; gall y rhain fod yn llithrig pan fyddant yn wlyb – defnyddiwch y canllawiau pan fyddant ar gael.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag disgyn mewn mannau penodol.

Peidiwch â dringo dros unrhyw reiliau ac ati sydd wedi’u gosod, na dringo drwyddynt.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.