Croes Caeriw

Hysbysiad Ymwelwyr

Sylwer: Nid yw Castell a Melin Heli Caeriw yn eiddo Cadw ac nid yw mynediad i'r castell a'r felin wedi'i gynnwys gydag aelodaeth Cadw.

Celf Geltaidd, eicon Cadw

A hithau’n 13 troedfedd / 4m trawiadol o uchder, credir bod y groes Geltaidd eithriadol hon, a’i cherfiadau dyrys, yn gofeb i un o frenhinoedd syrthiedig Cymru. Cyfieithwyd arysgrif Lladin ar waelod y cofadail yn ‘Croes Margiteut fab Etguin’, y credir ei fod yn cyfeirio at Faredudd, un o ddisgynyddion y deddfwr Hywel Dda, a reolodd deyrnas hynafol y Deheubarth ac a fu farw mewn brwydr ym 1035. Ochr yn ochr â’r arysgrif, mae’r groes wedi’i cherfio â phatrymau coeth o glymau a phlethi.

Dyma ddylunio Celtaidd hynafol ar ei orau, sy’n berthnasol yn gyfoes am iddo ysbrydoli ein logo ni ein hunain yn Cadw.

Amseroedd agor a phrisiau

Amseroedd agor

1st Ebrill - 31st Mawrth	Ar agor drwy’r flwyddyn
Ar agor drwy'r flwyddyn yng ngolau dydd

Gwybodaeth i ymwelwyr

Maes parcio

Maes parcio ger Lôn y Castell oddi ar yr A4075. Dim toiledau.

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Anhawster cerdded

Tirwedd: Lefel 1 – Hygyrch

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Rhaid bod yn ofalus a chymryd sylw wrth ymweld â'r heneb hon. Bydd yn agored i'r elfennau naturiol yn rheolaidd a gall fod yn llithrig neu'n fwdlyd o dan draed.

Rhaid i chi ystyried pa esgidiau sy’n addas ar gyfer y tymor a'r math o heneb cyn eich ymweliad. Dim ond yn ystod yr oriau agor penodol y gallwch fynd yno, mae'r rhain wedi'u dewis ar gyfer eich diogelwch h.y. lefel briodol o olau.

Mae llawer o'n henebion mewn lleoliadau uchel, felly rhaid rhoi sylw hefyd i'r ardaloedd cyfagos, y cloddiau a’r ffosydd wrth ymweld.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag disgyn mewn mannau penodol. Peidiwch â dringo dros unrhyw reiliau ac ati sydd wedi’u gosod, na dringo drwyddynt.

Dylid defnyddio unrhyw ganllaw sydd yno i'ch helpu i ddringo a dod lawr y grisiau hanesyddol yn ddiogel, gan y gall y rhain fod yn anwastad ac o wahanol uchder.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.