Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Modrwyau? Iawn.

Ffrog? Iawn.

Castell hudolus neu blasty mawreddog? Iawn!

Ydych chi erioed wedi breuddwydio am briodi mewn lleoliad ysblennydd, llawn hanes, cymeriad a diwylliant? Lle llawn breuddwydion, lle mae breuddwydion yn dod yn wir...

Priodas/Wedding

Os ydych wedi cyrraedd y dudalen hon, mae’n bosibl iawn eich bod yn cynllunio ar gyfer eich diwrnod mawr.

Llongyfarchiadau! Mae’n amser cyffrous i chi, a hoffem fod yn rhan o’r achlysur hefyd!

Mae gennym bedwar lleoliad ledled Cymru ar hyn o bryd i chi gyfnewid addunedau a gwneud diwrnod eich priodas yn fwy cofiadwy fyth.    

Yn yr adran hon, cewch fwy o wybodaeth am ein cestyll gogoneddus a’n plastai mawreddog y gallwch eu llogi ar gyfer eich seremoni. Cewch wybod beth i’w ddisgwyl, beth sydd ar gael ymhob safle, y prisiau a sut i archebu.

Gellir cynnal seremonïau priodas sifil neu bartneriaeth sifil yn yr ardaloedd a enwir yn y lleoliadau, gyda’r seremoni’n cael ei chynnal gan gofrestrydd yr awdurdod lleol.

Cliciwch ar y dolenni i gael mwy o wybodaeth am bob lleoliad.

(Castell Caerffili – gwaith ailddatblygu: oherwydd y gwaith ailddatblygu parhaus yn y castell, ni fydd llogi lleoliadau na cheisiadau gan y diwydiant masnach yn cael eu hystyried hyd nes y clywir yn wahanol).

Gellir bwcio am y tro am fis er mwyn rhoi amser ichi ystyried yr holl opsiynau.

Ewch i’r tudalen Lluniau Priodas i gael gwybodaeth ynglŷn â lluniau priodas ar safleoedd Cadw.

Priodas yn Llys Tretŵr/Wedding at Tretower Court

Ni ellir cynnal seremonïau priodas crefyddol ar Safleoedd Cadw oherwydd eu bod yn henebion cofrestredig na ellir eu cysegru. Fodd bynnag, mae gan Castell Coch, Llys a Chastell Tre-tŵr a Phlas Mawr drwyddedau ar gyfer seremonïau sifil a gellir llogi’r safleoedd ar gyfer bendithio priodasau ac ar gyfer ffotograffau.

Yn aml ni chaniateir codi a defnyddio marquee sydd heb bwysau dŵr. Trowch at yr wybodaeth ar begiau tir ar dudalennau’r safleoedd penodol i weld a yw codi marquee yn bosibl ar y safle.