Hygyrchedd

Datganiad Hygyrchedd ar cadw.llyw.cymru / aelodaethcadw.gwasanaeth.llyw.cymru

Mae'r datganiad hygyrchedd hwn yn berthnasol i wefan rheoli cynnwys Cadw cadw.llyw.cymru / aelodaethcadw.gwasanaeth.llyw.cymru

Rydyn ni wedi trio ein gorau i sicrhau bod y safle hwn yn hygyrch i bawb. Rydyn ni wedi ceisio sicrhau bod y safle hwn yn cadw at ganllawiau WCAG 2.2 AA.

Cafodd y safle hwn ei adeiladu gan ddefnyddio priodweddau diweddaraf CSS a’r arwyddnodi HTML5 semantig sydd ar gael ar borwyr modern y we er mwyn sicrhau’r hygyrchedd gorau.

Rydyn ni eisiau i gynifer o bobl â phosibl allu defnyddio’r wefan hon. Er enghraifft, golyga hyn y dylech chi fod yn gallu:

chwyddo’r testun hyd at 300% heb fod y testun yn diflannu o’r sgrin
llywio rhan fwyaf o’r wefan gan ddefnyddio dim ond bysellfwrdd
llywio rhan fwyaf o’r wefan gan ddefnyddio meddalwedd adnabod llais
gwrando ar ran fwyaf o’r wefan gan ddefnyddio darllenydd sgrin (gan ddefnyddio fersiynau diweddaraf JAWS, NVDA a VoiceOver)

Rydym hefyd wedi sicrhau bod testun y wefan mor syml â phosib i’w ddeall.

Mae cyngor gan AbilityNet ynghylch gwneud eich dyfais yn haws i’w defnyddio os oes gennych chi anabledd.

Hygyrchedd y wefan hon

Rydym yn gwybod nad yw pob rhan o’r wefan hon yn gwbl hygyrch:

nid yw’r wefan yn caniatáu i ddefnyddwyr newid lliwiau, lefelau cyferbynnedd a ffontiau
nid yw’r testun yn ail-lifo mewn un golofn wrth i chi newid maint y ffenest bori
ni allwch addasu uchder y llinell na bylchiad y testun
nid yw’r rhan fwyaf o hen ddogfennau PDF yn hollol hygyrch i feddalwedd darllen sgrin
nid oes sgrindeitlau ar ffrydiau fideo byw

Adborth a gwybodaeth gyswllt

Os ydych chi angen yr wybodaeth sydd ar y wefan hon ar ffurf arall fel PDF hygyrch, print bras, hawdd ei ddeall, recordiad sain neu braille:

ebost: Cadw@llyw.cymru
ffoniwch: 0300 0256000
cyfeiriad: Cadw, Llywodraeth Cymru, Parc Busnes Rhydycar, Merthyr Tudful, CF48 1UZ

Byddwn yn ystyried eich cais ac yn dod yn ôl atoch cyn pen 15 diwrnod

Os nad ydych yn gallu gweld y map ar ein tudalen ‘dod o hyd i rywle i fynd’, ffoniwch 0300 0256000 neu e-bostiwch cadw@llyw.cymru am gyfarwyddiadau.

Rhoi gwybod am broblemau hygyrchedd â’r wefan hon

Rydym ni bob amser yn chwilio am ffyrdd o wella hygyrchedd y wefan hon. Os cewch chi broblem sydd heb ei rhestru ar y dudalen hon neu os ydych chi’n teimlo nad ydym yn cwrdd â gofynion y rheoliadau hygyrchedd, cysylltwch â:

ebost: Cadw@llyw.cymru
ffoniwch: 0300 0256000
cyfeiriad: Cadw, Llywodraeth Cymru, Parc Busnes Rhydycar, Merthyr Tudful, CF48 1UZ

Gweithdrefn gorfodi

Y Comisiwn Cydraddoldeb a Hawliau Dynol (EHRC) sy’n gyfrifol am orfodi’r rheoliadau hygyrchedd. Os ydych yn anhapus â’r ffordd rydym yn ymateb i’ch cwyn, cysylltwch â’r Gwasanaeth Cynghori a Chefnogi Cydraddoldeb (EASS)

Cysylltu â ni ar y ffôn neu ymweld â ni

Rydym ni’n cynnig gwasanaeth cyfnewid testun i bobl sy’n B/byddar, sydd â nam ar eu clyw neu sydd â nam ar eu lleferydd.
Mae system dolen glywed yn ein safleoedd, neu os byddwch yn cysylltu â ni cyn eich ymweliad gallwn drefnu dehonglydd Iaith Arwyddion Prydain.

Darganfod sut i gysylltu â ni, dod o hyd i rywle i fynd:

ebost: Cadw@llyw.cymru
ffoniwch: 0300 0256000
cyfeiriad: Cadw, Llywodraeth Cymru, Parc Busnes Rhydycar, Merthyr Tudful, CF48 1UZ

Gwybodaeth dechnegol am hygyrchedd y wefan hon

Mae Cadw wedi ymrwymo i wneud ei wefan yn hygyrch, yn unol â Rheoliadau Hygyrchedd Cyrff Sector Cyhoeddus (Gwefannau ac Apiau Symudol) (Rhif 2) 2018.

Statws cydymffurfio

Mae’r wefan hon yn cydymffurfio’n rhannol â safon AA Canllawiau Hygyrchedd Cynnwys y We fersiwn 2.2, oherwydd y diffyg cydymffurfio a’r eithriadau a restrir isod.

Cynnwys nad yw'n hygyrch

Nid yw'r cynnwys a restrir isod yn hygyrch am y rhesymau a ganlyn.

Diffyg cydymffurfio â'r rheoliadau hygyrchedd

Nid yw’r delweddau ar rai tudalennau bob amser yn cynnwys disgrifiadau delwedd addas. Efallai na fydd gan ddefnyddwyr technolegau cynorthwyol fynediad at wybodaeth a gyflëir yn y delweddau. Mae hyn yn methu maen prawf llwyddiant 1.1.1 y Canllawiau Hygyrchedd Cynnwys Gwe (WCAG) 2.2 (Cynnwys di-destun).
Nid yw rhywfaint o’r cynnwys fideo yn cynnwys trawsgrifiadau o'r wybodaeth sain sy’n cynnwys enwau a lleoliadau. Mae hyn yn methu maen prawf llwyddiant 1.2.5 WCAG 2.2 (Disgrifiad Sain) (wedi'i recordio ymlaen llaw).
Nid yw rhai penawdau yn dangos yn gywir. Maent naill ai’n edrych fel testun arferol neu fath gwahanol o bennawd. Mae gan y tab ar y dudalen Aelodaeth rôl fel 'tablist'. Dim ond elfennau plant 'tab' ddylai fod yn gysylltiedig ag o, ond mae'n cynnwys elfennau 'tabpanel'. Dylai'r elfennau "tabpanel" gael eu cysylltu'n rhaglennol â phob "tab" ac nid wedi eu gosod fel elfennau plant uniongyrchol o'r "tablist". Mae hyn yn methu maen prawf llwyddiant 1.3.1 WCAG 2.2 (Gwybodaeth a Pherthynas).
Ar dudalen Aelodaeth, FyCadw, mae maes mewnbwn sy'n gofyn am gyfeiriadau e-bost aelodau, mae'r awtogwblhau wedi’i osod i 'diffodd'. Mae hyn yn methu maen prawf llwyddiant 1.3.5 WCAG 2.2 (Nodi diben mewnbwn).
Nid yw'r ddewislen lywio mewn-tudalen ar dudalennau henebion y safle yn ail-lifo wrth chwyddo i 400%. Mae hyn yn methu maen prawf llwyddiant 1.4.10 WCAG 2.2 (Ail-lifo).
Ar y wefan aelodaeth, wrth fynd i FyCadw, nid oes gan y ffiniau o amgylch 'cyfeiriad e-bost' a 'chyfrinair' ddigon o gyferbyniad yn erbyn y cefndir. Mae hyn yn methu maen prawf llwyddiant 1.4.11 WCAG 2.2 (Gwrthgyferbyniad di-destun).
Mae rhai delweddau'n cynnwys testun gyda chyferbyniad lliw gwael i’w gefndir. Ar y wefan aelodaeth, wrth ddewis pecynnau aelodaeth ac ychwanegu eitemau i'r fasged ar-lein, nid oes digon o gyferbyniad rhwng testun a chefndir. Mae hyn yn methu maen prawf llwyddiant 1.4.3 WCAG 2.2 (Cyferbyniad) (Isafswm).
Ar rai tudalennau, nid yw dolenni i neidio i'r prif gynnwys yn mynd yn syth i'r prif gynnwys. Mae hyn yn methu maen prawf llwyddiant 2.4.1 WCAG 2.2 (Blociau Osgoi).
Nid yw teitl FyCadw yn rhoi disgrifiad llawn o gynnwys y dudalen ac fe'i labelir yn unig fel Cadw. Mae hyn yn methu maen prawf llwyddiant 2.4.2 WCAG 2.2 (Pennawd ar dudalen).
Nid yw rhai penawdau yn disgrifio'r cynnwys oddi tano yn gywir. Nid yw'r testun ar rai botymau yn disgrifio'n gywir beth mae'r botwm yn ei wneud. Mae hyn yn methu maen prawf llwyddiant 2.4.6 WCAG 2.2 (Penawdau a Labeli).
Nid yw rhywfaint o’r wybodaeth testun Gymraeg wedi'i nodi fel testun Cymraeg. Mae hyn yn methu maen prawf llwyddiant 3.1.2 WCAG 2.2 (Iaith y rhannau).
Gall rhai dolenni sy'n datgelu mwy o gynnwys achosi i rai pobl sy’n defnyddio darllenydd sgrin golli eu safle ar y dudalen. Gall tabio trwy'r tudalennau aelodaeth achosi i’r ffocws ddiflannu yn y pennawd pan fydd tudalennau wedi'u chwyddo i 200% neu fwy, mae ffocws yn symud i'r ddewislen byrger pan gaiff ei gau. Mae hyn yn methu maen prawf llwyddiant 4.1.2 WCAG 2.2 (Enw, Rôl, Gwerth).

Meddalwedd trydydd parti

Mae rhai ffurflenni ac arolygon wedi eu hadeiladu a'u cynnal trwy feddalwedd trydydd parti (SmartSurvey) a’u gosod yng 'nghroen' gwefan Cadw i edrych fel y gweddill.

Mae'r ffurflenni hyn yn anodd eu llywio gyda meddalwedd darllenydd sgrin. Mae hyn yn methu’r meini prawf llwyddiant WCAG 2.2 canlynol: 1.3.1 (Gwybodaeth a pherthynas).
Mae rhai o'n ffurflenni yn gofyn i ddefnyddwyr uwchlwytho atodiad ffeil; mae'r label botwm generig yn golygu nad yw'n gysylltiedig yn rhaglennol â'r cwestiwn perthnasol. Mae hyn yn methu’r meini prawf llwyddiant WCAG 2.2 canlynol: 1.3.1 (Gwybodaeth a pherthynas).
Mae meysydd yn colli nodweddion awtogwblhau wrth roi testun ynddynt. Mae hyn yn methu’r meini prawf llwyddiant WCAG 2.2 canlynol: 1.3.5 (Nodi pwrpas mewnbwn).
Pan fydd ffurflenni wedi'u chwyddo i 400% mae meysydd dyddiad ac amser yn gorgyffwrdd ac yn cael eu torri'n rhannol gan ei gwneud hi'n anodd nodi'r wybodaeth ofynnol. Mae hyn yn methu’r meini prawf llwyddiant WCAG 2.2 canlynol:1.4.10 (Ail-lifo).
Wrth nodi gwybodaeth anghywir nid yw arddull y neges am y gwall yn dangos digon o gyferbyniad yn y testun. Mae hyn yn methu’r meini prawf llwyddiant WCAG 2.2 canlynol: 1.4.3 (Isafswm cyferbyniad).
Wrth fewnbynnu data mewn meysydd gofynnol, nid oes gan ddangosyddion saeth ddigon o gyferbyniad lliw â’r cefndir. Mae hyn yn methu’r meini prawf llwyddiant WCAG 2.2 canlynol: 1.4.11 (Cyferbyniad di-destun).
Pan fydd meysydd mewn cyflwr gwall, nid oes ganddynt ddangosydd ffocws gweladwy. Mae hyn yn methu’r meini prawf llwyddiant WCAG 2.2 canlynol: 2.4.7 (Ffocws gweladwy).
Mae'r tudalennau glanio dwyieithog yn cynnwys testun Cymraeg ond nid ydynt wedi'u marcio felly. Mae hyn yn methu’r meini prawf llwyddiant WCAG 2.2 canlynol: 3.1.2 (Iaith y rhannau).
Wrth lenwi ffurflenni, nid yw newidiadau yn y bar cynnydd yn cael eu cyhoeddi wrth ddefnyddio technoleg gynorthwyol. Mae hyn yn methu’r meini prawf llwyddiant WCAG 2.2 canlynol: 4.1.3 (Negeseuon statws).

Problemau â PDFs a dogfennau eraill

Nid yw nifer o’n hen ddogfennau PDF yn cwrdd â safonau hygyrchedd – er enghraifft, efallai nad ydynt wedi eu marcio i fod yn hygyrch i ddarllenydd sgrin.

Mae rhai o’n dogfennau PDF yn hanfodol i’r gwasanaethau rydyn ni’n eu darparu. Er enghraifft, mae PDFs yn cynnwys gwybodaeth ynghylch sut y gall defnyddwyr gyrchu ein gwasanaethau.

Erbyn mis Rhagfyr 2020, rydyn ni’n bwriadu un ai trwsio’r rhain neu roi tudalennau HTML hygyrch yn eu lle.

Cynnwys nad yw o fewn cwmpas y rheoliadau hygyrchedd

Nid yw’r rheoliadau hygyrchedd yn ei gwneud hi’n ofynnol i ni drwsio PDFs neu ddogfennau eraill a gyhoeddwyd cyn 23 Medi 2018 os nad ydyn nhw’n hanfodol i ddarparu ein gwasanaethau.

Bydd unrhyw PDFs neu ddogfennau Word newydd y byddwn ni’n eu cyhoeddi’n cwrdd â safonau hygyrchedd.

Problemau â delweddau, fideos a sain.

Nid oes penawdau ar ffrydiau fideo byw.

Dydyn ni ddim yn bwriadu ychwanegu penawdau at ffrydiau fideo byw gan fod fideo byw wedi’i eithrio rhag diwallu’r rheoliadau hygyrchedd.

Beth rydym yn ei wneud i wella hygyrchedd

Rydym yn gweithio ochr yn ochr ag adrannau ac asiantaethau eraill y llywodraeth i drwsio cynnwys sy'n methu â chyrraedd safon AA Canllawiau Hygyrchedd Cynnwys y We.

Paratoi'r datganiad hygyrchedd hwn

Paratowyd y datganiad hwn ar 23 Awst 2020. Cafodd y datganiad ei adolygu ddiwethaf ar 28 Awst 2024.

Cafodd y wefan brawf y tro diwethaf ar 09 Ionawr 2024. Cynhaliwyd y prawf gan S8080 Digital Agency / Spindogs Digital Agency

Defnyddion ni Total Validator Scan; y fersiwn ddiweddaraf (14.0.0 ar hyn o bryd) i redeg sgan awtomataidd am bob gwall WGAG 2.2 AA.

Gwnaethom brofi’r canlynol:

prif lwyfan ein gwefan, sydd ar gael yn: https://cadw.gov.wales / aelodaethcadw.gwasanaeth.llyw.cymru

Gallwch ddarllen yr adroddiad prawf hygyrchedd llawn cysylltu â ni ar y ffôn neu ymweld â ni:

ebost: Cadw@llyw.cymru
ffoniwch: 0300 0256000
cyfeiriad: Cadw, Llywodraeth Cymru, Parc Busnes Rhydycar, Merthyr Tudful, CF48 1UZ