Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Pwy ydyn ni

Mae Cadw yn cynnwys tua 250 o bobl yn gweithio ar draws amrywiaeth o ddisgyblaethau.

Ceidwaid yw tua 100 o’n pobl —  sy’n gweithio yn safleoedd henebion dan ein gofal – neu maent yn rhan o’r timau mewnol sy’n gwneud gwaith cadwraeth a chynnal a chadw yn ein safleoedd. Mae gennym staff arbenigol, gan gynnwys wardeniaid henebion maes ac arolygwyr adeiladau hanesyddol, henebion a pharciau a gerddi hanesyddol, sy’n gweithio dros Gymru gyfan.   

Mae llawer o’n staff ‘ar hyd y lle’ yn rheolaidd ledled Cymru, yn ymweld â safleoedd, yn cwrdd â’r cyhoedd neu gynrychiolwyr awdurdodau lleol — ychydig iawn o waith Cadw y gellir ei wneud y tu ôl i ddesg yn unig.  

Bwrdd gweithredu mewnol

Pennaeth Cadw yw Kathryn Roberts sy’n adrodd i Elin Burns, Cyfarwyddwr Grŵp Diwylliant, Treftadaeth, Chwaraeon a'r Iaith Gymraeg. Mae Pennaeth Cadw yn aelod o fwrdd gweithredu mewnol sy’n cefnogi, ei gynllun busnes a’i safonau, ac yn craffu arnynt ac yn eu monitro. 

Cwrdd â bwrdd Cadw

Strwythur Cadw

Mae gan Cadw chwe changen weithredol:

Hyrwyddwn y broses o werthfawrogi, gwarchod a diogelu amgylchedd hanesyddol Cymru.  

Gwnawn hyn drwy amrywiaeth eang o weithgareddau gan gynnwys:

  • rhestru adeiladau, cofrestru henebion a pharciau a gerddi hanesyddol o bwysigrwydd cenedlaethol
  • darparu gwasanaethau cynghori statudol ar gyfer ceisiadau cynllunio, esemptiadau eglwysig a chaniatâd adeiladau rhestredig
  • helpu perchenogion i ofalu am eu henebion cofrestredig drwy roi cyngor, arweiniad a thrwy’r broses o ganiatáu henebion cofrestredig
  • goruchwylio arolygon o adeiladau rhestredig a henebion cofrestredig sydd mewn perygl a chynnig cyngor i helpu i wella eu cyflwr  
  • cynnig cyngor ac arweiniad i berchenogion a deiliaid adeiladau rhestredig am y ffordd orau o reoli newid
  • cynnig grantiau i ddiogelu a gwella henebion cofrestredig ac adeiladau rhestredig
  • nodi effeithiau newid yn yr hinsawdd ar yr amgylchedd hanesyddol a’r ffordd orau o addasu iddynt 
  • hyrwyddo a chefnogi hyfforddiant mewn sgiliau crefft cadwraeth
  • gweithio gyda phartneriaid i ddod o hyd i ddefnyddiau newydd ar gyfer mannau addoli segur ac adeiladau cyhoeddus eraill 
  • cefnogi rhaglenni gweithgaredd sy’n amrywio o gloddiadau cymunedol i adfywio economaidd 
  • rhoi cymorth drwy grantiau i bartneriaid sy’n gweithio yn y sector treftadaeth yng Nghymru, gan gynnwys ymddiriedolaethau archeolegol Cymru a chyrff cadwraeth fel Cyfeillion Eglwysi Digyfaill ac Addoldai Cymru
  • gwneud gwybodaeth ar gael yn rhwydd am safleoedd dynodedig sydd o bwysigrwydd cenedlaethol ar Cof Cymru — sef Asedau Hanesyddol Cenedlaethol Cymru. 

Datblygwn bolisi ar gyfer gwarchod yr amgylchedd hanesyddol a’i reoli’n gynaliadwy, a hynny’n benodol i gefnogi deddfwriaeth sylfaenol ac is-ddeddfwriaeth.

Mae hyn yn cynnwys:

  • gweithredu a gwerthuso Deddf Amgylchedd Hanesyddol (Cymru) 2016
  • datblygu canllawiau rheoli i gefnogi cadwraeth yr amgylchedd hanesyddol
  • gweithio gyda chydweithwyr cynllunio i integreiddio’r gwaith o reoli’r amgylchedd hanesyddol yn y system gynllunio
  • cefnogi’r broses o gyflenwi busnes llywodraeth ar draws Cadw 

Rydym yn cynnal, diogelu a rheoli 132 eiddo sydd dan ofal Cadw. 

Mae Cadwraeth Cymru - ein tîm cadwraeth mewnol ein hunain - yn darparu gwasanaethau arbenigol i safonau manwl ledled Cymru. Ategir ein gwaith weithiau gan gontractwyr treftadaeth allanol arbenigol.  

Mae ein gwaith yn cynnwys:

  • rhaglenni cadwraeth pwysig ar sail gwybodaeth awdurdodol a gafwyd gan arolygiadau cyfnodol
  • darparu gwasanaethau hanfodol i gadw safleoedd Cadw yn ddiogel a hygyrch
  • ymgymryd â phrosiectau adeiladu pwysig i wella profiad yr ymwelydd. 
  • Mae hyn yn cyfrannu at ein cynaliadwyedd ariannol ac yn cefnogi cymunedau lleol. 

Cynigiwn ymweliadau diogel, difyr a llawn ysbrydoliaeth i bobl drwy wneud ein safleoedd yn hygyrch i bawb: 

  • mae gennym dros 100 o geidwaid sy’n rheoli mynediad cyhoeddus diogel a dymunol i 28 safle Cadw sydd â staff
  • rydym yn creu a hyrwyddo rhaglen o fwy na 400 o ddigwyddiadau a gwibdeithiau bob blwyddyn, gan gynnwys arddangosfeydd, gweithdai, gweithgareddau treftadaeth a chelfyddydau, teithiau, sgyrsiau, hanes byw a pherfformiadau byw
  • cymerwn y storïau y tu ôl i safleoedd Cadw a’u dehongli i ysbrydoli ymwelwyr a darparu profiadau creadigol, cyffrous a diddorol sy’n procio’r meddwl
  • hwyluswn ddysgu ac ymgysylltu â dysgwyr o bob oedran, ysgolion, gwirfoddolwyr, cynlluniau profiad gwaith a chymunedau lleol.

Rydym yn dod ag ymwelwyr i’n safleoedd, yn cyhoeddi’r holl waith y mae Cadw yn ei wneud ac yn cynhyrchu incwm a ail-fuddsoddwn yng ngwaith Cadw.

Gwnawn hyn drwy amrywiaeth o weithgareddau gan gynnwys:

  • digwyddiadau masnachu rhyngwladol, hurio ar gyfer priodasau, hurio ar gyfer ffilmio a hurio lleoliadau
  • cynnig nwyddau o safon i’w gwerthu yn 28 o’n safleoedd
  • marchnata aelodaeth ac ymweliadau drwy gyfryngau cymdeithasol, cysylltiadau cyhoeddus, hysbysebu a’n gwefan   
  • cyhoeddi tywyslyfrau a llenyddiaeth arall yn Gymraeg a Saesneg yn ogystal â Ffrangeg, Almaeneg, Eidaleg a Sbaeneg i’n safle mwyaf 

Darparwn wasanaethau i staff ar draws Cadw:

  • rydym yn gwneud yr achos dros gyllideb Cadw, yn paratoi adroddiadau ariannol, yn cynorthwyo i brosesu trafodion, ac yn rhoi cyngor ariannol 
  • sicrhawn lywodraethu priodol ar draws Cadw, darparwn ysgrifenyddiaeth i’r uwch dîm rheoli ac i’r bwrdd gweithredu mewnol, a sicrhawn fod y swyddfeydd yn ddiogel ac yn gweithredu’n effeithlon
  • darparwn wasanaeth adnoddau dynol Cadw, gan gynnwys cynllunio, recriwtio, hyfforddi a datblygu’r gweithlu
  • rydym yn cydlynu gweithdrefnau iechyd a diogelwch