Cadw Cymru Minecraft
Oeddech chi'n gwybod bod Minecraft Education ar gael drwy Hwb, a bod Cymru ar y blaen wrth ddefnyddio Minecraft Education mewn lleoliadau Addysg.
Dyma rywbeth Newydd!
Mae Cadw Cymru yn gynnyrch addysgol arloesol newydd sy'n cyfuno amgylchfyd rhithwir Minecraft â hanes cyfoethog safleoedd treftadaeth Cymru. Ynghyd â Phecyn Adnoddau Cymraeg newydd Minecraft Cadw Cymru, mae'n cynnig arf cyffrous i ymarferwyr yng Nghymru i ymgysylltu dysgwyr â'u hanes cenedlaethol mewn ffordd ryngweithiol ac ymdrochol.
Mae Cadw Cymru yn brosiect addysgol unigryw sy'n defnyddio gêm boblogaidd Minecraft i ddod â hanes Cymru yn fyw.
Wedi'i datblygu mewn cydweithrediad â haneswyr, ymarferwyr a dylunwyr digidol, mae'r rhaglen yn ail-greu safleoedd treftadaeth eiconig Cymru o fewn Minecraft Education. Mewn fformat digidol deniadol, mae'r mannau rhithwir hyn yn caniatáu i ddysgwyr archwilio a dysgu am safleoedd hanesyddol, fel cestyll, abatai ac adfeilion hynafol.
Mae'r enw "Cadw" yn Gymraeg yn gallu golygu "gwarchod" neu "amddiffyn," sy'n adlewyrchu cenhadaeth y prosiect i warchod a hyrwyddo treftadaeth Cymru. Drwy ddefnyddio Minecraft, gêm sydd eisoes yn boblogaidd ymysg dysgwyr, mae Cadw Cymru yn darparu llwyfan cyfarwydd a chyffrous i feithrin ymdeimlad dwfn o gynefin ac ymgysylltiad addysgol.
A nawr gallwch hefyd ddatgloi byd bywiog Minecraft Education o'r newydd gyda Phecyn Adnoddau Cymraeg Minecraft Cadw Cymru!
Mae Pecyn Adnoddau Cymraeg Minecraft Cadw Cymru yn becyn adnoddau y gellir ei lawrlwytho ar gyfer Minecraft Education sydd wedi'i gynllunio i drawsnewid sut mae dysgwyr yng Nghymru yn rhyngweithio gyda Minecraft Education. Mae'r pecyn adnoddau arloesol hwn yn trawsnewid profiad cyfan Minecraft Education yn antur Gymraeg ymdrochol am y tro cyntaf erioed. Mae pob elfen wedi'i gyfieithu'n ofalus o iaith yn y gêm, dewislenni, a disgrifiadau rhestr manwl. Mae hyn yn sicrhau bod dysgwyr sy’n siarad Cymraeg yn gallu llywio ac archwilio'r gêm yn gyfan gwbl yn y Gymraeg, gan ei gwneud yn hollol gynhwysol!
Sut fyddwch chi'n ymgorffori'r cynnig trawsgwricwlwm cyffrous hwn yn eich lleoliad dysgu? Cliciwch ymlaen i gael gwybod mwy am Cadw Cymru a Phecyn Adnoddau Cymraeg Minecraft Cadw Cymru ac i gael mynediad i'r adnoddau ar Hwb.
Rydym yn dechrau gyda Chastell Conwy gyda'i daith a'i ymgyrchoedd ei hun, ond cadwch lygad am safle newydd bob mis.
Edrychwn ymlaen at weld sut rydych yn ymgysylltu â Cadw Cymru a Phecyn Adnoddau Cymraeg Minecraft Cadw Cymru. Rhannwch eich delweddau o'ch anturiaethau a’r hyn rydych yn ei adeiladu @cadw.wales
Canllawiau ar sut mae lawrlwytho a defnyddio Minecraft Education
Adnoddau difyr a defnyddiol ar gyfer dysgu gartref
Adnoddau Addysg
Ar ein safleoedd gwych, gallwch dreulio eich diwrnod fel aristocrat Fictoraidd, cerdded yn ôl troed rheolwr Rhufeinig, neu frwydr i amddiffyn castell nerthol rhag ymosodiad — cofiwch bacio eich dychymyg.
Yn yr adran isod fe welwch bopeth sydd ei angen arnoch i ddod â'ch dychymyg yn fyw ar safle Cadw a pharhau â'r hwyl gartref — o fideos treigl amser ysbrydoledig a sut i arwain taflenni gweithgareddau.
Ymwadiad: Nid yw hyn yn cael ei noddi, awdurdodi neu gymeradwyo gan LEGO®.® Mae LEGO® yn nod masnach Grŵp cwmnïau LEGO.
Yn yr adran hon
Gwyliwch wrth i Gastell Caernarfon gael ei ail-greu gan ddefnyddio 70,000 o frics Lego yn y fideo treigl amser anhygoel hwn.
Gwyliwch wrth i waliau eiconig Castell Rhuddlan godi o 50,000 o frics Lego yn y fideo anhygoel hwn o amser yn mynd heibio.
Edrychwch ar ein cyfarwyddiadau penodol ar sut i adeiladu replicâu bach o gestyll a grëwyd gan Andy Morris o Little Big Art.
Ydych chi am greu eich castell eich hun? Gallwch gael mwy o wybodaeth drwy wylio cyfres o fideos sy’n dangos sut y gallwch ail-greu eich castell eich hun.
