Meini Hirion Penrhosfeilw

Meini hir o’r Oes Efydd dan len o ddirgelwch

Prin iawn yw’r wybodaeth am darddiadau’r pâr hwn o feini hir. Fe’u codwyd yn ystod yr Oes Efydd, ac maent yn sefyll tua 10 troedfedd/3m o uchder ac 11 troedfedd/3.3m rhyngddynt. Yn ôl un chwedl barhaus, roeddent ar un adeg yn rhan o gylch cerrig mwy o faint ac roedd cist (neu fedd) yn cynnwys esgyrn, pennau saethau a blaenau gwaywffyn wedi’u canfod rhyngddynt, ond ni ddaeth unrhyw dystiolaeth i’r amlwg erioed i gadarnhau’r stori hon.