Y Castell Gwyn

Gallwch barcio y tu allan i’r safle. Wrth i chi ddilyn y llwybr trwy’r prif borth byddwch yn cyrraedd pont fechan sy’n arwain at y ward allanol. Mae’r muriau adfeiliedig o’i gwmpas yn golygu bod risg o gerrig yn disgyn. Peidiwch â dringo’r cerrig yma nac o fewn yr heneb.

Mae grisiau bychan yng nghefn y ward allanol sy’n arwain i lawr i’r ffos isaf. Gall tipyn o lystyfiant fod yma, a gall y ddaear fod yn anwastad neu’n fwdlyd. Gofynnwn i chi fod yn ymwybodol o’ch amgylchedd pan fyddwch chi yma.

Mae’r brif bont o’r ward allanol yn croesi’r ffos ac yn arwain i’r castell. Mae’r ddaear yn gymharol wastad o fewn y castell, ond mae adfeilion cerrig isel o gwmpas.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr. 

Gall dringo arwain at anaf difrifol. 

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.