Castell y Grysmwnt

Cawr ar y ffin

Mae Castell y Grysmwnt yn aelod o driawd enwog o gadarnleoedd. Ynghyd ag Ynysgynwraidd a’r Castell Gwyn, mae’n un o ‘Dri Chastell Gwent’ a adeiladwyd gan y Normaniaid i reoli rhan allweddol o ffindir trwblus. Cafodd y cadarnle pridd a choed gwreiddiol, a adeiladwyd ar gros mhont (Ffrangeg am ‘fryn mawr’), ei ddisodli’n ddiweddarach â charreg. Cafodd fywyd gweithgar.

Yn y 13eg ganrif cafodd ei ailadeiladu gan gynnwys y porthdy a’r tyrau cylchol. Yn sgil ailfodelu ganrif yn ddiweddarach, cafodd Grysmwnt randai yn addas i aelwyd fonheddig, ond erbyn y 15fed ganrif roedd y castell yn ei chanol hi eto, dan warchae yn y gwrthryfel dan arweinydd carismatig y Cymry, Owain Glyndŵr.

Amseroedd agor a phrisiau

Amseroedd agor

1st Ebrill - 31st Mawrth	10am–4pm
Mynediad olaf 30 munud cyn cau Ar gau 24, 25, 26 Rhagfyr a 1 Ionawr

Gwybodaeth i ymwelwyr

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Anhawster cerdded

Tirwedd: Lefel 2 – Hawdd

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Ar ôl croesi giât, mae taith gerdded fer 5 munud i bont y castell. Mae'r llwybr glaswelltog hwn yn anwastad a gall fod yn llithrig/mwdlyd yn ystod tywydd gwael. Mae rhai ardaloedd o fewn y castell yn anwastad.

Mae cyfleoedd i archwilio lefelau uchaf y castell gan ddefnyddio'r grisiau a'r ardaloedd gwylio dynodedig. Mae'r grisiau'n hen a gallant fod yn anwastad mewn mannau. Defnyddiwch y canllawiau a ddarperir. Gall y grisiau fod yn llithrig pan fydd yn wlyb.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag cwympo mewn mannau penodol. Peidiwch â dringo dros na drwy unrhyw reiliau ac ati sydd wedi’u gosod.

Peidiwch â dringo ar y castell, yn naturiol mae yna ardaloedd lle mae disgynfeydd cudd. Gall dringo arwain at anaf difrifol. Fel gyda phob heneb adfeiliedig mae risg bob amser o gerrig yn cwympo. Fodd bynnag, rydym yn rheoli hyn trwy fonitro trylwyr.

Peidiwch â dringo ar y castell, yn naturiol mae yna ardaloedd lle mae disgynfeydd cudd.

Gall dringo arwain at anaf difrifol.

Fel gyda phob heneb adfeiliedig mae risg bob amser o gerrig yn cwympo. Fodd bynnag, rydym yn rheoli hyn trwy fonitro trylwyr.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru