Castell Ynysgynwraidd

NP7 8UH
Maes parcio
Croeso i gŵn
Polisi dronau

Hysbysiad ymwelwyr

Byddwch yn ymwybodol: ni chaniateir parcio neu wersylla dros nos ar dir Castell Ynysgynwraidd neu o’i amgylch ar unrhyw adeg.

Caer ganoloesol fawr a chanddi dŵr canolog sylweddol

Yn un o ‘Dri Chastell Gwent’ (ynghyd â Chastell y Grysmwnt a’r Castell Gwyn) a sylfaenwyd gan yr arglwydd Normanaidd William fitz Osbern tua dechrau’r 12fed ganrif, mae olion Ynysgynwraidd a welwn heddiw yn tarddu o gaer ddiweddarach a adeiladwyd yn y 13eg ganrif gan Hubert de Burgh. Mae waliau’r castell, sydd mewn cyflwr da, yn amgylchynu gorthwr crwn, yn debyg i’r rheini a welir ym Mronllys a Thretŵr. Fe’i hadeiladwyd ar domen bridd, ac roedd y strwythur cadarn hwn yn llinell amddiffyn olaf pe byddai’r castell dan ymosodiad.

Rhyngddynt, roedd y Tri Chastell yn rheoli ardal fawr o ffindir gwrthdrawiadol rhwng Afon Gwy a’r Mynydd Du, ac Ynysgynwraidd yn hawlio safle strategol ar lannau afon Mynwy uwchben un o’r prif lwybrau rhwng Cymru a Lloegr.

Amseroedd agor a phrisiau

Amseroedd agor

1st Ebrill - 31st Mawrth	Ar agor drwy’r flwyddyn
Ar agor drwy'r flwyddyn yng ngolau dydd

Gwybodaeth i ymwelwyr

Mynediad i feiciau

Mae lle i gadw beiciau ar gael yn y maes parcio neu’n agos i’r safle.

Maes parcio

Mae ardal parcio fechan ar gael ar gyfer tua 6 char y tu blaen i'r castell.

Nid oes lleoedd parcio penodol i bobl anabl.

Byddwch yn ymwybodol: ni chaniateir parcio neu wersylla dros nos ar dir Castell Ynysgynwraidd neu o’i amgylch ar unrhyw adeg.

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Anhawster cerdded

Tirwedd: Lefel 2 – Hawdd

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Mae’r afon yn gorlifo’n aml ger y safle hwn ar lan afon Mynwy, oherwydd llanw uchel a dŵr ffo.

Mae hyn yn arwain at gronni malurion afon a llaid a all achosi i ran o'r safle ger yr afon fod yn llithrig. Nid ydym yn annog nofio yma. Cyfoeth Naturiol Cymru sy'n gyfrifol am yr afon a'i chynnal a’i chadw.

Ceir setiau o risiau hanesyddol i gael mynediad at rai rhannau o'r safle, a gofynnwn i chi gymryd gofal gan eu bod yn anwastad mewn mannau. Defnyddiwch y canllawiau pan fyddant ar gael.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.