Castell Oxwich

SA3 1ND
Maes parcio
Byrddau picnic
Toiledau

Hysbysiad Ymwelwyr

Mae Castell Oxwich ar agor fel rhan o'n rhaglen teithiau tywys o fis Mai i fis Awst bob blwyddyn. Mae'r teithiau hyn yn gyfle unigryw i archwilio'r safle gyda gwybodaeth arbenigol am ei hanes a'i arwyddocâd. Ydych chi eisiau bod ymhlith y rhai cyntaf i gael gwybod am ddyddiadau newydd ar gyfer teithiau, a’r prisiau?

Cofrestrwch ar gyfer ein cylchlythyr a bydd diweddariadau’n dod yn syth i'ch mewnflwch

Castell mewn enw yn unig, ond yn creu tipyn o argraff

Mae’ch llygaid yn gallu’ch twyllo. Saif Castell Oxwich yn ysblennydd uwchlaw ehangder braf Bae Oxwich, ond nid castell mohono o gwbl.

Maenordy Tuduraidd mawreddog ydyw a adeiladwyd gan dad a mab uchelgeisiol, a’u haddurniadau ffug-milwrol yn ymwneud ag esgyn cymdeithasol yn hytrach nag amddiffyn.

O’r funud y cerddwch chi drwy’r porth urddasol wedi’i addurno ag arfau Syr Rice Mansel, mae’n amlwg mai hwn oedd cartref teulu bonedd a oedd am fod yn ei chanol hi ym mlynyddoedd ffyniannus yr 16eg ganrif.

Mae adain ddeheuol gymharol blaen Syr Rice, a ddefnyddiwyd yn ddiweddarach yn ffermdy tan 1954, yn gyflawn o hyd. Ond adfail bellach yw adain ddeheuol afradlon ei fab Edward, a’i neuadd ddeulawr a galeri hir urddasol yn meddu golygfeydd rhyfeddol o’r môr.

Y tu allan, olion colomendy anferth gyda 300 o nythod yw’r clos. Diben hwn yn rhannol oedd darparu cig ffres i’r castell drwy gydol y flwyddyn – a brolio hefyd, yn rhannol. Yn rhyfeddol, mae Oxwich yn dal yn eiddo i ddisgynyddion teulu Mansel.

Rhagor o wybodaeth

Amseroedd agor a phrisiau

Amseroedd agor

1st Medi - 1st Mai	AR GAU

Gwybodaeth i ymwelwyr

Toiledau hygyrch

Toiledau hygyrch ar gyfer ymwelwyr.

Newid cewynnau

Toiledau gyda chyfleusterau i newid babanod.

Lle i gadw beiciau

Mae lle i gadw beiciau ar gael yn y maes parcio neu’n agos i’r safle.

Maes parcio

Grassed car park for approx. 15/20 cars. No dedicated disabled spaces.

Croeso i gŵn

Caniateir cŵn ar dennyn ond ni chânt fynediad i’r arddangosfeydd.

Clyw cludadwy

Mae dolen sain gludadwy ar gael.

Toiledau

Mae toiledau ar dir y castell, 50 metr o'r swyddfa docynnau.

Anhawster cerdded

Tirwedd: Lefel 2 – Hawdd

Arddangosfa

Mae arddangosfa ar y safle o fewn yr heneb.

Byrddau picnic

Mae meinciau a /neu fyrddau picnic ar gael i ymwelwyr eu defnyddio.

Llogi Safle

Mae’r safle ar gael i’w logi ar gyfer digwyddiadau, arddangosfeydd a ffilmio.

Tywyslyfr

Llawlyfr am y safle ar gael i’w brynu ar-lein ac mewn canolfannau ymwelwyr dethol.

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Ymweliadau ysgol

Er mwyn trefnu ymweliad addysg hunan-dywys am ddim i’r safle hwn, dilynwch y camau syml hyn yn ein adran ymweliadau addysg hunan-dywys.

Tra eich bod ar y wefan, edrychwch ar ein adnoddau dysgu am ddim i’ch helpu chi gyda’ch antur teithio mewn amser!

Iechyd a Diogelwch

Sylwch fod y safle dim ond ar agor pan fydd staff yn gweithio yn ystod diwrnodau agored a drefnwyd, gwiriwch cyn teithio.

Wedi'i leoli ar arfordir Oxwich, gallwch ddod o hyd i'r castell drwy ddilyn y ffordd fechan i fyny heibio'r traeth. Wrth fynd trwy giât y maes parcio, byddwch ar lwybr byr i gerddwyr sy'n arwain tuag at y castell.

Wrth fynd i diroedd y castell fe welwch fod gan y cwrt gerrig crynion sy’n anwastad mewn mannau. Mae'r mannau mewnol yn cael eu cynnal, wedi'u goleuo'n dda ac yn wastad dan draed.

Bydd grisiau pren yn mynd â chi i fyny i'r ystafell wely a lefelau uchaf y tŷ. Defnyddiwch y rheiliau llaw a ddarperir.

Wrth archwilio ardaloedd allanol y safle, byddwch yn ofalus wrth gerdded. Mae sawl coeden ar y safle, a all achosi llwybrau dan draed i fynd yn llithrig.

Mae grisiau allanol yn rhoi rhywfaint o fynediad at y lefel uchaf, defnyddiwch y rheiliau llaw a ddarperir a byddwch yn ymwybodol o'r gwaith cerrig hanesyddol.

Mae ardaloedd tir is yn dywyllach nag arfer; fodd bynnag, ni fydd hyn yn rhwystro eich ymweliad, gan ganiatáu amser i'ch llygaid addasu. Mae gan yr ardal isaf do is, gwyliwch eich pen!

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.