Castell Talacharn
Castell canoloesol mawr, plasty Tuduraidd a chuddfan bardd
Dyma'r castell ‘brown as owls’ oedd yn annwyl gan Dylan Thomas, trigolyn enwocaf Talacharn. Ysgrifennodd Portrait of the Artist as a Young Dog yn nhŷ haf y castell a safai uwchlaw golygfeydd godidog o aber afon Taf.
Yma saif dau dŵr cerrig canoloesol enfawr yn gwarchod olion plasty Tuduraidd godidog, a’r cyfan wedi'u gosod mewn gerddi addurnol o'r 19eg ganrif.
Wedi canrifoedd o wrthdaro rhwng y Cymry a'r Eingl-normaniaid, achubwyd Talacharn rhag mynd yn adfail llwyr gan un o wŷr llys Elisabeth 1, Syr John Perrot. Trodd y castell adfeiliedig o'r 13eg ganrif yn gartref addas i ŵr bonheddig, cartref ac iddo neuadd fawreddog sydd â’i ffenestri agored yn dal i syllu dros y dŵr.
Ond creodd ei ymddyrchafiad cyflym lawer o elynion iddo – ac ni allai hyd yn oed y si mai ef mewn gwirionedd oedd hanner brawd y frenhines, ei achub.
Bu farw Syr John yn Nhŵr Llundain yn 1592 tra’r oedd yn aros ei ddienyddiad. Cred rhai iddo gael ei wenwyno, ac yntau ar fin cael pardwn gan Elisabeth.
Sut i ymweld
- prynwch eich tocynnau mynediad wrth gyrraedd neu archebwch ar-lein i arbed 5%*
- gallwch weld ein hamseroedd agor a'n prisiau isod
- cymerwch olwg ar gyngor iechyd a diogelwch Llywodraeth Cymru cyn ymweld.
*Mae archebu ar-lein yn sicrhau’r pris gorau ar gyfer eich ymweliad.
Gallwch archebu tocynnau hyd at 24 awr cyn eich ymweliad.
Mae prisiau tocynnau ar-lein yn cynnwys gostyngiad o 5%; ni ellir ad-dalu tocynnau a ragarchebwyd.
Oriel
Expand image
Expand image
Expand image
Expand image
Amseroedd agor a phrisiau
Amseroedd agor
| 1st Ebrill - 2nd Tachwedd | 10am-5pm (Ar gau Mawr-Merch) |
|---|---|
| 3rd Tachwedd - 31st Mawrth | Ar gau |
|
Mynediad olaf 30 munud cyn cau |
|
Prisiau
| Categori | Price | |
|---|---|---|
| Aelod - Ymunwch rŵan |
Am ddim
|
|
| Oedolyn |
£6.20
|
|
| Teulu* |
£19.80
|
|
| Pobl anabl a chydymaith |
Am ddim
|
|
| Plant (Oed 5-17) / Myfyriwr** |
£4.30
|
|
| Pobl hŷn (Oed 65+) |
£5.50
|
|
|
Tocyn £1 Cadw – i'r rhai sydd ar Gredyd Cynhwysol a budd-daliadau eraill a enwir *2 oedolyn a hyd at 3 plentyn. Mae pob plentyn o dan 5 oed yn cael mynediad am ddim. **Mae angen dangos cerdyn adnabod myfyriwr â llun wrth fynd i mewn. Mae deiliaid Cerdyn Golau Glas a Lluoedd Arfog a Chyn-filwyr EM yn derbyn 10% oddi ar dderbyniad unigol (ddim ar gael ar-lein). |
||
Gwybodaeth i ymwelwyr
Maes parcio Talu ac Arddangos
Mae llefydd parcio cyfyngedig hefyd gyferbyn â'r brif fynedfa i'r castell.
Mae'r prif faes parcio tua 300 metr/328 llath islaw'r castell.
Gall llifogydd effeithio ar y maes parcio hwn yn ystod llanw uchel y Gwanwyn.
Nid oes llefydd parcio anabl penodedig.
Mynediad i bobl anabl
Unwaith y byddwch wedi mynd drwy'r Porthdy mae mynediad hawdd i gadeiriau olwyn/bygis.
O'r Ganolfan Ymwelwyr, mae ramp bychan yn arwain at lwybr gwastad a mynediad hawdd o amgylch y safle.
Dim ond cerddwyr a all fynd i'r unig dwr hygyrch.
Croeso i gŵn
Mae croeso i gŵn ar dennyn gael mynediad i lefelau llawr gwaelod y safle.
Clyw cludadwy
Mae dolen sain gludadwy ar gael.
Gorsaf Ail-lenwi â Dŵr
Mae gorsaf ail-lenwi â dŵr ar gael ar y safle hwn.
Anhawster cerdded
Tirwedd: Lefel 1 – Hygyrch
Arddangosfa
Mae arddangosfa ar y safle o fewn yr heneb.
Gardd
Gardd ar y safle.
Siop roddion
Mae siop ar y safle sy’n cynnig amrywiaeth o gynnyrch a llyfrau.
Llogi Safle
Mae’r safle ar gael i’w logi ar gyfer digwyddiadau, arddangosfeydd a ffilmio.
Polisi dronau
Dim ysmygu
Ymweliadau ysgol
Er mwyn trefnu ymweliad addysg hunan-dywys am ddim i’r safle hwn, dilynwch y camau syml hyn yn ein adran ymweliadau addysg hunan-dywys.
Tra eich bod ar y wefan, edrychwch ar ein adnoddau dysgu am ddim i’ch helpu chi gyda’ch antur teithio mewn amser!
Iechyd a Diogelwch
Nid oes lle i barcio y tu allan i'r heneb hon, mae maes parcio mawr wedi'i leoli ar waelod y bryn. Gall y maes parcio ddioddef llifogydd, byddwch yn ofalus wrth ymweld ar lanw uchel ac yn ystod cyfnodau o dywydd gwael oherwydd gall fod yn wlyb neu'n fwdlyd dan draed.
Mae'r safle hwn yn gymharol wastad, fodd bynnag, mae rhai mannau a allai achosi baglu. Mae nifer o lwybrau â rhisgl arnynt sy'n arwain trwy'r gerddi.
Byddwch yn ymwybodol o'r wal isel yn y man gwylio tuag at gefn y safle. Cadwch blant dan reolaeth yn y man hwn.
Mae'r prif dŵr yn cynnwys dwy set o risiau sy'n arwain at fan gwylio agored ar ben y tŵr. Mae yna gyfle i stopio hanner ffordd. Gwnewch yn siŵr bod y giât siglo ar gau wrth gyrraedd y mannau allanol gan ein bod yn ceisio atal mynediad gan golomennod.
Mae rhwystrau i’ch gwarchod yn rhai lleoedd, arhoswch ar y llwybrau dynodedig a pheidiwch â dringo dros unrhyw rwystrau amddiffynnol.
Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.
Gall dringo arwain at anaf difrifol.
Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.
Gwyliwch ein ffilm iechyd a diogelwch cyn ymweld â safleoedd Cadw.
Iechyd a Diogelwch / Health and Safety
Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru
Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.
Cwymp sydyn
Wyneb llithrig neu anwastad
Cerrig yn disgyn
Camau serth ac anwastad
Toeau Isel
Golau gwael
Gwyntoedd uchel
Cyfarwyddiadau
Cyfeiriad
Castell Talacharn
King St, Talacharn, Caerfyrddin SA33 4SA
Ar gyfer contractwyr, ymweliadau addysgiadol a danfoniadau, ffoniwch 01994 427906
Rydym yn croesawu galwadau yn Gymraeg.
King St, Talacharn, Caerfyrddin SA33 4SA
Ar gyfer contractwyr, ymweliadau addysgiadol a danfoniadau, ffoniwch 01994 427906
Rydym yn croesawu galwadau yn Gymraeg.
Rhif ffôn 03000 252239
E-bost LaugharneCastle@llyw.cymru
Ffordd:
A4066 o Sanclêr.
Rheilffordd:
18km/11mllr Caerfyrddin, ar lwybr Abertawe-Caerfyrddin/Aberdaugleddau/Doc Penfro
Bws:
100m/110llath, llwybr Rhif 222, Caerfyrddin-Talacharn/Pentywyn.
Beic:
RBC Llwybr Rhif 4 Ar y Llwybr.
Cod post SA33 4SA
what3words: ///adferiad.gwaddol.anghofia
Am fwy o wybodaeth, cysylltwch â: Traveline Cymru ar 0800 464 0000 neu Ymholiadau Rheilffyrdd Cenedlaethol ar 03457 48 49 50
