Tref Rufeinig Caer-went

NP26 5BA
Maes parcio
Croeso i gŵn
Byrddau picnic

Hysbysiad Ymwelwyr

Ni chaniateir gwersylla dros nos ar dir Tref Rufeinig Caer-went. Mae hyn yn cynnwys pebyll, faniau gwersylla a chartrefi modur.

Cipolwg ar dref farchnad wedi’i Rhufeinio

Hwyrach mai ei lleoliad cysglyd yn y gororau gwledig diarffordd yw’r rheswm pam mai Caer-went, Venta Silurum i’r Rhufeiniaid, yw un o’r cyfrinachau hynny a gadwyd orau. Heb os, mae Caerllion (Isca) gerllaw, un o drefi Rhufeinig pwysicaf Prydain, wedi dwyn ei chlodydd. Roedd Caer-went, a sefydlwyd tua 75-80 OC, yn anheddiad i’r Silwriaid, llwyth brodorol a gafodd ei Rufeinio yn dilyn goresgyniad Prydain.

Roedd yn lle prysur ynghyd â baddondai cyhoeddus, ar wasgar mewn grid Rhufeinig trefnus nodweddiadol. Mae’r olion trawiadol yn cynnwys waliau sy’n dal i sefyll hyd at 17 troedfedd / 5m, tai wedi’u datgloddio, ynghyd â marchnadfa a theml Brythonaidd-Rufeinig.

Amseroedd agor a phrisiau

Amseroedd agor

1st Ebrill - 31st Mawrth	10am - 4pm
Ar gau 24, 25, 26 Rhagfyr a 1 Ionawr

Gwybodaeth i ymwelwyr

Mynediad i feiciau

Maes parcio

Bob dydd 10am–4pm

Ni chaniateir gwersylla dros nos ar dir Tref Rufeinig Caer-went. Mae hyn yn cynnwys pebyll, faniau gwersylla a chartrefi modur.

Mynediad i bobl anabl

Sylwch fod maes parcio a thoiledau Porth Gorllewin Caer-went ar gau ar hyn o bryd.

Croeso i gŵn

Toiledau

Bob dydd 10am–4pm

Anhawster cerdded

Tirwedd: Lefel 3 — Cymedrol

Byrddau picnic

Polisi dronau

Dim ysmygu

Iechyd a Diogelwch

Mae rhannau o'r heneb hon i'w gweld drwy’r dref i gyd. Mae'r llwybr yn dechrau trwy groesi'r briffordd ac yn parhau hyd at ddechrau'r rhan sydd â wal o’i chwmpas.

Rhaid dringo sawl set o risiau er mwyn cael mynediad i ben y waliau. Gall y llwybr glaswelltog fynd yn llithrig mewn tywydd gwlyb, felly argymhellir eich bod yn gwisgo esgidiau sy’n addas ar gyfer y safle a'r tywydd. Oherwydd bod cyflwr y waliau wedi dadfeilio, cynghorir ymwelwyr i aros yng nghanol y llwybr.

Mae hefyd yn bosibl cerdded o dan y waliau ar hyd llwybr glaswelltog is, sydd yn fwy hygyrch. Mae'r llwybr yn cynnwys sawl ardal lle mae olion y gwersyll; cynghorir eich bod yn cymryd gofal gan na fydd trothwyon isel yn weladwy ar adegau. Dylid osgoi dringo ar neu dros y gwaith cerrig.

Tra byddwch chi’n ymweld â'r fforwm a'r basilica mae cyfle hefyd i ymweld â'n dolydd. Cadwch at yr arwyddion sydd i’w gweld yn yr ardal hon.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.