Priordy a Chroes Penmon a Ffynnon Seiriol

Tair nodwedd ar un safle sanctaidd pwysig

Ymestynna hanes Penmon yn ôl i’r 6ed ganrif, pan sefydlwyd mynachlog yma gan Sant Seiriol. Credir bod y ffynnon sanctaidd (sydd â phriodweddau iachau honedig) sy’n dwyn ei enw yn gysylltiedig â’r cyfnod hwn, er bod y ‘gell’ sy’n gartref iddi wedi’i hadeiladu’n llawer diweddarach. Mae olion y priordy sy’n sefyll heddiw yn dyddio i raddau helaeth o’r 13eg ganrif, pan ddaeth yn rhan o’r urdd Awstinaidd.

Y tu mewn i’r eglwys, sy’n dal i wasanaethu’r plwyf heddiw, saif croes drawiadol. Yn dyddio o’r 10fed ganrif, mae ei choes wedi’i cherfio â phatrymau dyrys o rwyllwaith a phlethi.

Mae hefyd yn werth ymweld â Cholomendy Penmon o’r 15fed ganrif, sydd wrth ymyl y priordy.

Amseroedd agor a phrisiau

Amseroedd agor

1st Ebrill - 31st Mawrth	10am-4pm
Edrychwch ar wefan yr Ymddiriedolaeth Eglwysi Genedlaethol i gael y wybodaeth ddiweddaraf i ymwelwyr Mae Croes Penmon o fewn yr eglwys a gellir ei gweld pan fydd yr eglwys ar agor.

Gwybodaeth i ymwelwyr

Maes parcio Talu ac Arddangos

Noder: Rheolir y maes parcio talu ac arddangos gan drydydd parti ac nid oes gan Cadw reolaeth dros weithredu’r tariffau na’r hyd parcio.

Anhawster cerdded

Priordy a Chroes Penmon - Tirwedd: Lefel 1 – Hygyrch

Ffynnon Seiriol - Tirwedd: Lefel 2 – Hawdd

Dim ysmygu

Ni chaniateir ysmygu.

Polisi dronau

Iechyd a Diogelwch

Rhaid bod yn ofalus a chymryd sylw wrth ymweld â'r heneb hon. Mae'r tir y tu allan yn agored i'r elfennau naturiol ac efallai’n llithrig neu'n fwdlyd o dan draed. Rhaid ystyried pa esgidiau sy’n briodol ar gyfer y tymor cyn eich ymweliad.

Mae amgylcheddau hanesyddol adeiledig weithiau’n anwastad o dan draed gyda grisiau cul, serth ac uchder y stepiau’n amrywio. Rhaid bod yn ofalus wrth fynd i'r lefelau uwch a'r lleoedd mesanîn / balconi.

Yn aml, mae trothwyon uchel a fframiau drysau isel wrth fynd i mewn a thrwy’r mannau sydd dan do. Gofynnwn yn garedig bod unrhyw ganllaw sydd yno yn cael ei ddefnyddio'n briodol ac nad oes neb yn dringo ar neu o fewn yr heneb.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag disgyn mewn mannau penodol. Peidiwch â dringo dros unrhyw reiliau ac ati sydd wedi’u gosod, na dringo drwyddynt.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.