Castell Biwmares
Hysbysiad ymwelwyr
Mae'n bleser gennym gyhoeddi bod yr heneb hon wedi ailagor i ymwelwyr.
Dydd Llun 10 Awst
I fynd i mewn i'r safle treftadaeth hwn, rhaid i aelodau ac ymwelwyr cyffredinol archebu tocyn mynediad ar-lein, o leiaf 24 awr cyn eu hymweliad. Gellir prynu neu archebu tocynnau gydag amser neilltuol ar ein gwefan, yma.
Sylwch fod yr holl brisiau mynediad i safleoedd wedi'u gostwng i adlewyrchu'r gostyngiad a gyhoeddwyd yn ddiweddar yn y TAW a godir ar gyfer mynediad i atyniadau ymwelwyr. Bydd y gostyngiad llawn yn cael ei drosglwyddo i ymwelwyr er mwyn cefnogi economïau twristiaeth lleol.
I gael rhagor o wybodaeth am ein system docynnau orfodol, ein mesurau diogelwch ar y safle neu ein cynlluniau ailagor llawn, ewch i'n tudalen Cwestiynau Cyffredin ar ein gwefan.
Sylwch, oherwydd newid yn lefelau staffio Cadw o ganlyniad i’r achosion o coronafeirws, dim ond am bum diwrnod yr wythnos y bydd y safle hwn yn agor i ddechrau, yn hytrach na saith. Ceir rhagor o fanylion isod.
Arolwg
Campwaith anorffenedig y gaer sydd bron yn berffaith gymesur
Mae Biwmares ar Ynys Môn yn enwog am mai yma mae’r castell gorau erioed na’i hadeiladwyd. Hwn oedd yr olaf o’r cadarnleoedd brenhinol a grëwyd gan Edward I yng Nghymru - ac efallai ei gampwaith.
Yma manteisiodd Edward a’i bensaer James o San Siôr yn llawn ar gynfas gwag, sef y ‘beau mareys’ neu ‘gors hardd’ wrth ymyl Afon Menai. Erbyn hyn, roeddent eisoes wedi adeiladu cestyll mawrion Conwy, Caernarfon a Harlech. Hwn fyddai’n coroni’r cyfan iddynt.
Y canlyniad oedd caer anferth a oedd bron yn berffaith gymesur. Roedd nid llai na phedwar cylch cydganol o amddiffynfeydd aruthrol yn cynnwys ffos llawn dŵr gyda’i doc ei hun. Roedd y waliau allanol yn unig yn frith o 300 o ddolenni saethau.
Ond yn sgil diffyg arian a thrafferthion ar droed yn yr Alban, roedd y gwaith adeiladu wedi chwythu ei blwc erbyn y 1320au. Ni adeiladwyd porthdy’r de na’r chwe thŵr mawr yn yr adran fewnol i’r uchder a fwriadwyd byth. Prin y dechreuwyd porth Llanfaes cyn troi cefn arno.
Arwydd yw siâp isel arbennig Biwmares felly o freuddwyd heb ei gwireddu’n iawn. Er hynny, mae’n hawlio ei le haeddiannol ar y llwyfan byd-eang yn rhan o Safle Treftadaeth y Byd Cestyll a Muriau Trefol Edward I.
Oherwydd mae’r castell hwn yn arbennig - a hynny oherwydd maint ei uchelgais a harddwch ei gyfrannedd. Hwyrach mai castell godidog o anghyflawn Biwmares yw cyflawniad mwyaf pensaer milwrol gorau'r oes.
Castell Beaumaris Pamffledyn Canllaw
Prynwch eich llyfr Cadw ar-lein heddiw.
Aelodau Cadw 10% i ffwrdd!
Amseroedd agor
Bob dydd 9.30am – 5pm
Mynediad olaf 30 munud cyn cau
AM 10am-1pm Ar Gau 1-2pm PM 2-5pm
Dydd Llun, Mawrth, Mercher, Sadwrn, Sul
AR GAU
Dydd Iau a Gwener
Bob dydd 9.30am – 5pm
Mynediad olaf 30 munud cyn cau
Bob dydd 10am – 4pm
Mynediad olaf 30 munud cyn cau
Ar gau 24, 25, 26 Rhagfyr a 1 Ionawr
Prisiau a Thocynnau
| Categori | Price |
|---|---|
| Aelod - Ymunwch rŵan |
Am ddim
|
| Oedolyn |
£6.50
|
| Teulu* |
£18.40
|
| Pobl anabl a chydymaith |
Am ddim
|
| Plant (Oed 5-17) / UCM / Lluoedd Arfog a Chyn-filwyr |
£3.90
|
| Pobl hŷn (65+) |
£5.20
|
|
*2 oedolyn a hyd at 3 plentyn Mae pob plentyn o dan 5 oed yn cael mynediad am ddim. |
|
Cyfleusterau
Mae gan y lleoliad drwydded ar gyfer seremonïau sifil.
Mae 2 le parcio penodol i bobl anabl ar ochr y ffordd gyferbyn â'r ganolfan ymwelwyr.
Ceir mynediad gwastad o'r ganolfan ymwelwyr i'r safle ar hyd llwybr a phont fach. Mae'r rhan fwyaf o'r tir ar lawntydd glaswelltog gwastad.
Mae croeso i gŵn ar dennyn gael mynediad i lefelau llawr gwaelod y safle.
Mae arddangosfa ar y safle o fewn yr heneb.
Mae siop ar y safle sy’n cynnig amrywiaeth o gynnyrch a llyfrau.
Llawlyfr am y safle ar gael i’w brynu ar-lein ac mewn canolfannau ymwelwyr dethol.
Nid yw Cadw yn caniatáu hedfan dronau o’u safleoedd nac uwchlaw eu safleoedd. Yr unig rai sydd â hawl i wneud hynny yw contractwyr sydd wedi’u comisiynu i gyflawni dyletswyddau penodol. Bydd y contractwyr hynny yn cyflawni gofynion CAA yn llawn ynghyd â bod a sicrwydd yswiriant ac yn gweithredu dan amodau sydd wedi’u rheoli.
Ni chaniateir ysmygu.
Peidiwch â bwydo'r adar gyda cynnyrch bara; mae bara yn niweidiol i'r adar.
Mae dolen sain gludadwy ar gael.
Er mwyn trefnu ymweliad addysg hunan-dywys am ddim i’r safle hwn, dilynwch y camau syml hyn yn ein adran ymweliadau addysg hunan-dywys.
Darganfyddwch ein gweithgareddau addysgol am ddim.
Tra eich bod ar y wefan, edrychwch ar ein adnoddau dysgu am ddim i’ch helpu chi gyda’ch antur teithio mewn amser!
Mae’r safle ar gael i’w logi ar gyfer digwyddiadau, arddangosfeydd a ffilmio.
Mae WiFi cyhoeddus Cadw ar gael am ddim ar y safle hwn.
Cyfarwyddiadau
Cod post LL58 8AP
Am fwy o wybodaeth, cysylltwch â: Traveline Cymru ar 0800 464 0000 neu Ymholiadau Rheilffyrdd Cenedlaethol ar 03457 48 49 50.
Cysylltu â ni
Rhif ffôn 01248 810361
E-bost
BeaumarisCastle@llyw.cymru
Castle St, Biwmares LL58 8AP
