Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Cadw yw Gwasanaeth Amgylchedd Hanesyddol Llywodraeth Cymru ac rydym yn gyfrifol am dros 130 o leoedd hanesyddol ledled Cymru.

Mae dros 100 o'r safleoedd treftadaeth hyn ar agor a gellir ymweld â nhw am ddim, ond rydym yn codi tâl mynediad ar gyfer safleoedd eraill, ac yn ailfuddsoddi’r arian a godir er mwyn gofalu am ein heiddo.

Yn rhan o fenter arbrofol i ehangu mynediad i dreftadaeth, mae tocyn Credyd Cynhwysol Cadw am £1 bellach ar gael i’w archebu ar gyfer tri lle hanesyddol: Gwaith Haearn Blaenafon, Castell Caernarfon a Chastell Cas-gwent.  Mae tocyn Credyd Cynhwysol Cadw am £1 ar gael i bawb sy'n derbyn budd-daliadau cymwys: Credyd Cynhwysol

  • Credyd Pensiwn 
  • Credyd Treth Gwaith 
  • Credyd Treth Plant 
  • Lwfans Cyflogaeth a Chymorth 
  • Cymorth Incwm 
  • Lwfans Ceisio Gwaith

Gellir prynu'r tocyn Credyd Cynhwysol am £1 ymlaen llaw ar wefan Cadw. Nid yw tocynnau £1 ar gael i'w prynu yng nghanolfannau ymwelwyr Cadw.

Sut i archebu ar-lein

  • Darllenwch ein telerau ac amodau isod i sicrhau eich bod yn gymwys cyn archebu eich tocyn
  • Dewiswch yr heneb Cadw yr hoffech ymweld â hi o'r lleoliadau hanesyddol a restrir isod
  • Dewiswch Archebu tocynnau a pharhau i'n tudalen docynnau
  • Dewiswch docynnau Mynediad Cyffredinol a Tocyn Credyd Cynhwysol am £1
  • Dewiswch ddyddiad ac amser i ymweld
  • Archebwch eich tocyn Credyd Cynhwysol am £1 a mynd i’r fasged (nid oes angen taliad ar y cam hwn).
  • Byddwch yn cael cadarnhad ar e-bost gyda chod QR 
  • Ewch â'ch cadarnhad o docyn ar e-bost a'ch cod QR i'r lleoliad rydych wedi ei ddewis

 

Rhaid i chi gyflwyno prawf o'ch cymhwysedd wrth gyrraedd (gweler y rhestr isod) i ddilysu eich archeb ar-lein a bydd angen i chi ddangos  dogfen adnabod ychwanegol i gadarnhau'r enw ar y dogfennau ategol. Nid oes angen i’r ddogfen hon fod yn ddogfen adnabod â llun: bydd cerdyn banc, datganiad banc, bil cyfleustodau neu gerdyn adnabod ar gyfer eich swydd yn iawn.

Pan fydd ein tîm wedi dilysu eich archeb, codir tâl o £1.00 arnoch.

Os na allwch brynu tocynnau ar-lein, ffoniwch Cadw ar 02920 7860222 a gofynnwch iddynt anfon tocyn £1 gyda chod QR atoch yn y post.

Gwaith Haearn Blaenafon

Tocyn Credyd Cynhwysol am £1

Trefnwch eich ymweliad â'r Safle Treftadaeth y Byd hwn ac archebwch eich tocynnau ar-lein.

Castell Caernarfon

Tocyn Credyd Cynhwysol am £1

Trefnwch eich ymweliad â'r Safle Treftadaeth y Byd hwn ac archebwch eich tocynnau ar-lein.

Castell Cas-gwent

Tocyn Credyd Cynhwysol am £1

Trefnwch eich ymweliad â'r gaer wych hon ar ben clogwyn ac archebwch eich tocynnau ar-lein.

Gall unrhyw un sy'n gymwys brynu hyd at chwe thocyn i bob aelwyd fesul ymweliad. Dim ond un person o bob aelwyd sy’n gorfod dangos dogfennau ategol. 

Rhaid i bob unigolyn sy'n prynu tocyn ddangos dogfen adnabod Credyd Cynhwysol a phrawf o’u hunaniaeth.

Nid oes angen tocynnau ar gyfer: Plant o dan 5 oed, pobl anabl a’u cymdeithion.

Mae'r tocyn £1 yn ddilys ar gyfer un person yn unig, naill ai oedolyn 18 oed neu drosodd neu blentyn 5-17 oed.

Rhaid i ymwelwyr ddod â’r pethau hyn i'r safle:

  1. Eu tocyn ar-lein, ynghyd â’r cod QR. Bydd tocynnau papur neu ddigidol yn cael eu derbyn.
  2. Prawf eu bod yn gymwys - un o'r rhestr isod:
  • Credyd Cynhwysol - Datganiad Credyd Cynhwysol, naill ai ar ap ffôn symudol neu gopi papur
  • Credyd Pensiwn - Llythyr cadarnhau gan yr Adran Gwaith a Phensiynau
  • Credyd Treth Gwaith - Llythyr gan CThEF yn cadarnhau Credyd Treth Gwaith
  • Credyd Treth Plant - Llythyr gan CThEF yn cadarnhau Credyd Treth Plant
  • Lwfans Cyflogaeth a Chymorth - Llythyr cadarnhau gan yr Adran Gwaith a Phensiynau
  • Cymorth Incwm - Llythyr cadarnhau gan yr Adran Gwaith a Phensiynau
  • Lwfans Ceisio Gwaith - Llythyr cadarnhau gan yr Adran Gwaith a Phensiynau

 

3. Eitem ychwanegol i ddangos pwy ydych chi er mwyn cadarnhau'r enw ar y dogfennau ategol. Nid oes angen i’r ddogfen hon fod yn ddogfen adnabod â llun: bydd cerdyn banc, datganiad banc, bil cyfleustodau neu gerdyn adnabod ar gyfer eich swydd yn iawn.

Rhaid i bob person sy'n prynu tocyn ddangos prawf eu bod yn gymwys. Gall unrhyw un sy'n gymwys brynu hyd at chwe thocyn i bob aelwyd fesul ymweliad. Dim ond un person o bob aelwyd sy’n gorfod dangos dogfennau ategol ond rhaid i bob 

  • unigolyn sy'n prynu tocyn ddangos dogfen adnabod Credyd Cynhwysol. 
  • Ni ellir defnyddio'r tocynnau £1 ar y cyd ag unrhyw ostyngiadau eraill. Mae person anabl a’u cydymaith yn parhau i gael mynediad am ddim.
  • Ni fydd y tocyn £1 yn newid yn ei bris yn unol â phrisiau tymhorol neu ostyngiad ar-lein. Nid oes unrhyw gyfraddau consesiwn ar gyfer tocynnau £1. Mae'r tâl o £1 yn ffi yr un fath i bawb sy'n gallu profi eu bod yn gymwys.
  • Ni ellir defnyddio tocynnau £1 ar ddiwrnodau digwyddiadau lle mae’n rhaid talu am docyn.
  • Mae pob tocyn £1 yn ddilys am un diwrnod yn unig. 
  • Nid yw tocynnau £1 yn gymwys am ad-daliad nac i gael eu hailwerthu - nid yw Cadw yn gallu gwneud unrhyw newidiadau i archebion. 
  • Ni chaniateir cynnig tocynnau i'w hailwerthu trwy drydydd parti. Os gwneir hyn, bydd y tocyn yn annilys.
  • Os nad oes gennych dystiolaeth eich bod yn derbyn budd-daliadau, gallwch ofyn am lythyr gan y llywodraeth Get a proof of benefit letter - GOV.UK

Os ydych wedi prynu tocynnau ar gyfer mynediad cyffredinol neu ddigwyddiad, anfonir y rhain drwy e-bost. 

Os ydych yn rhoi eich cyfeiriad e-bost, anfonir arolwg ôl-ymweliad atoch i ofyn am adborth am eich ymweliad. 

Ni fydd eich data personol yn cael ei rannu na'i storio ar blatfform ein harolwg oni bai eich bod yn dewis cwblhau'r arolwg a chymryd rhan yn ein raffl i gael cyfle i ennill gwobr.

Ni ellir cyfnewid na throsglwyddo tocynnau mynediad i'r safle i ddyddiad, amser na lleoliad arall.

Os na chaiff tocynnau eu defnyddio ar y safle ar y dyddiad a'r amser penodedig byddant yn cael eu defnyddio’n awtomatig ac yn dod yn annilys.

Dylech gyrraedd gyda'ch tocynnau wedi'u hargraffu ymlaen llaw NEU ar eich dyfais symudol i gael mynediad.

Weithiau mae rhai safleoedd ar gau am resymau y tu hwnt i'n rheolaeth, neu efallai y byddant yn cynnal diwrnodau mynediad am ddim a / neu ddigwyddiadau arbennig. Rydym yn argymell i chi edrych ar wefan Cadw neu ffonio’r safle cyn eich ymweliad arfaethedig i wneud yn siŵr nad oes unrhyw gynlluniau i gau.

Am unrhyw ymholiadau eraill ynglŷn â thocynnau, cysylltwch â: cadw@tfw.wales