Dynion Arfog

Bydd Castell Biwmares yn croesawu marchogion brwydrol i'r castell dros benwythnos Gŵyl Banc y Sulgwyn.

Dyma wahoddiad ichi ddod draw i hyfforddi i fod yn farchog yn yr ysgol farchogion i blant. Gall oedolion roi cynnig ar ddysgu sgiliau ymladd sylfaenol â chleddyf a dysgu am arfau a saethyddiaeth yn yr arddangosfeydd a'r sgyrsiau.

Bydd gweithdy sgiliau syrcas i ddifyrwyr hefyd lle gall pawb, yn blant ac oedolion, roi cynnig ar ddysgu triciau y mae'r difyrwyr yn eu defnyddio i ddiddanu.

Gallwch hefyd ymuno â’r House of the Black Star a dysgu ymarferion gwaywffon a sgiliau ymladd a gweld sut y byddai'r milwyr yn ymosod ac yn amddiffyn y castell. Gallwch ddisgwyl straeon, arddangosfeydd coginio, meddygaeth ganoloesol a gwaith lledr, a byddant yn eich tywys drwy'r ffordd o fyw yn ôl yng Nghymru'r Oesoedd Canol.

Bydd cerddorion yn crwydro'r castell yn chwarae alawon canoloesol i bobl y dref eu mwynhau, ac mae croeso i chi ddawnsio os mynnwch.

Nid oes angen i chi archebu lle ar gyfer y digwyddiad hwn.