Tŷ Canoloesol Hafoty

Hysbysiad ymwelwyr

Gellir ei gweld o'r tu allan

O bren i faen

Adeilad carreg sylweddol wedi’i beintio’n wyn a welwn o’n blaenau heddiw, ond yn wreiddiol tŷ ffrâm bren oedd yma, a hwnnw wedi’i adeiladu’n fwy na thebyg yn y 14eg ganrif (fe’i cofnodwyd fel Bodiordderch ym 1352).

Cafodd ei orchuddio’n ddiweddarach â charreg a bu’n destun gwaith addasu ac adfer yn y 19eg ganrif a diwedd yr 20fed ganrif, er bod ei gynllun canoloesol yn parhau. Fe’i trosglwyddwyd rhwng dwylo teuluoedd lleol pwysig — Narres a Bulkeley — ac erbyn 1585 fe’i disgrifiwyd yn hafoty.

Amseroedd agor a phrisiau

Amseroedd agor

1st Ebrill - 31st Mawrth	Agor Cyfyngedig
Gellir ei gweld o’r tu allan

Gwybodaeth i ymwelwyr

Anhawster cerdded

Tirwedd: Lefel 3 — Cymedrol

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Rhaid bod yn ofalus a chymryd sylw wrth ymweld â'r heneb hon. Mae'r tir y tu allan yn agored i'r elfennau naturiol ac efallai’n llithrig neu'n fwdlyd o dan draed. Rhaid ystyried pa esgidiau sy’n briodol ar gyfer y tymor cyn eich ymweliad.

Mae amgylcheddau hanesyddol adeiledig weithiau’n anwastad o dan draed gyda grisiau cul, serth ac uchder y stepiau’n amrywio. Rhaid bod yn ofalus wrth fynd i'r lefelau uwch a'r lleoedd mesanîn / balconi.

Yn aml, mae trothwyon uchel a fframiau drysau isel wrth fynd i mewn a thrwy’r mannau sydd dan do. Gofynnwn yn garedig bod unrhyw ganllaw sydd yno yn cael ei ddefnyddio'n briodol ac nad oes neb yn dringo ar neu o fewn yr heneb.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag disgyn mewn mannau penodol. Peidiwch â dringo dros unrhyw reiliau ac ati sydd wedi’u gosod, na dringo drwyddynt.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Efallai y bydd mynediad yn cael ei rannu neu bod tir fferm cyfagos a allai gynnwys gwartheg pori neu anifeiliaid fferm.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.

Wyneb llithrig neu anwastad

Camau serth ac anwastad

Golau gwael

Toeau Isel

Cerrig yn disgyn

Cyfarwyddiadau

Google Map

Ffordd: Cymerwch y B5109 o gyfeiriad Biwmares tuag at Pentraeth. Wedi tua 3 milltir trowch i’r dde ar hyd ffordd ddi-ddosbarth tuag at Landdona. Wedi tua thri chwarter milltir (0.75m) mae lle parcio ar yr ochr dde. Mae’r lle parcio yn agos iawn at fynedfa fferm sydd ar y chwith. Mae’r fynedfa i’r lle parcio yn eithaf garw.

Beic: RBC Llwybr Rhif 5 (1.2km/0.8mllr).

what3words: ///sownd.bywiog.perimedr