Castell Ogwr

CF32 0QP
Maes parcio
Croeso i gŵn
Polisi dronau

Camu i’r gorffennol

Uwchben man croesi afon darluniadwy, lle mae cyfres o gerrig sarn hynafol o hyd, mae Ogwr (ynghyd â Choety a’r Castellnewydd) yn rhan o driawd o gaerau a adeiladwyd i warchod Morgannwg rhag ymosodiadau o’r gorllewin a oedd ym meddiant y Cymry.

A’r castell yn wreiddiol o bridd a phren tua dechrau’r 12fed ganrif, buan y cafodd ei atgyfnerthu â cherrig cyn cael ei gryfhau ymhellach â murlen tua dechrau’r 13eg ganrif.

Yn anarferol, nid yw’r ychwanegiadau diweddarach wedi cuddio nodweddion amddiffynnol cynharaf y castell, am fod y cloddiau a’r ffosydd a adeiladwyd adeg geni Ogwr yn glir yn y golwg o hyd. Un nodwedd wreiddiol arall yw’r ffos ddofn o gwmpas y cwrt mewnol, wedi’i dylunio i lenwi â dŵr môr adeg penllanw.

Amseroedd agor a phrisiau

Amseroedd agor

1st Ebrill - 31st Mawrth	10am–4pm
Mynediad olaf 30 munud cyn cau Ar gau 24, 25, 26 Rhagfyr a 1 Ionawr

Gwybodaeth i ymwelwyr

Maes parcio

Mae maes parcio anwastad ar gyfer tua 20 o geir, nid oes lleoedd parcio penodol i bobl anabl.

Mae'r maes parcio yn agored i lifogydd.

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Anhawster cerdded

Tirwedd: Lefel 2 – Hawdd

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Mae lleoedd parcio ar gael wrth ymyl yr afon, fodd bynnag, sylwer, gan fod yr afon yn llanwol mae'n debygol o orlifo, yn enwedig yn ystod llanw'r gwanwyn. Fe'ch cynghorir i chwilio am fannau parcio uwch wrth ymweld yn ystod cyfnodau llanw uchel. Bydd tiroedd y castell hefyd yn cael eu heffeithio yn yr amodau hyn, byddwch yn ymwybodol o ardaloedd o ddŵr agored.
Mae'r grisiau ar draws yr afon yn llithrig, yn llyfn ac yn anwastad, mae'n debygol y byddwch chi'n cwympo. Byddem yn annog nad yw hwn yn cael ei ddefnyddio fel man croesi i gyrraedd y lan gyferbyn. Rhaid goruchwylio plant ar hyd yr afon.

Mae marchogion ceffylau lleol yn defnyddio'r afon i oeri ceffylau; efallai y byddant yn defnyddio'r llwybr yn ystod eich ymweliad.

Mae tiroedd y castell wedi'u hamgylchynu gan dda byw sy'n pori, sydd weithiau'n gallu crwydro i safle’r castell, efallai y bydd rhai defaid ar y safle. Caewch y giât wrth fynd i mewn ac allan o'r safle, mae hyn yn helpu i'w cadw allan.

Mae'r rhan fwyaf o'r safle yn wastad, mae grisiau yn mynd â chi i fannau is, ond mae'r rhan fwyaf o’r safle i'w weld o lefel y ddaear.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.