Castell Coety

Hysbysiad i Ymwelwyr

Mae'r safle hwn ar agor nawr i'w weld neu i ymweld ag ef.

Yn unol â chyngor a chanllawiau Llywodraeth Cymru, rydyn ni wedi dechrau ailagor detholiad o’n safleoedd treftadaeth heb staff mewn ffordd ddiogel ac wedi’i rheoli – er budd cymunedau lleol.

Mae’n bleser gennym gyhoeddi bod yr heneb hon nawr ar agor ac mae croeso i chi ei gweld neu ymweld â hi heb orfod archebu lle ymlaen llaw. Cadwch at ein canllawiau ymweld newydd, byddwch yn gyfrifol a dangoswch barch tuag at y safle a’i ardal leol bob amser .

Efallai bydd amseroedd agor y safle, llefydd parcio a chyfleusterau eraill sydd ar gael yn ein safleoedd sydd wedi ailagor wedi newid. Edrychwch ar dudalen we'r safle hwn yn ofalus i gael gwybodaeth ddiweddar benodol.

I gael rhagor o wybodaeth am beth i’w ddisgwyl a sut i gadw’n ddiogel yn ystod eich ymweliad, darllenwch ein tudalen Cwestiynau Cyffredin.

Gwaith cadwraeth 2020-2022

Cyfnod newydd arall i Gastell Coety wrth i waith cadwraeth ddechrau y gwanwyn hwn!

Gyda mesurau pellhau cymdeithasol llym a gweithdrefnau iechyd a diogelwch newydd ar waith, bydd y prosiect cadwraeth treftadaeth yng Nghastell Coety yn ailddechrau'r wythnos hon (15 Mehefin).

Iechyd a diogelwch pawb sy'n gysylltiedig yw ein prif flaenoriaeth a byddwn yn parhau i gymryd pob cam angenrheidiol i sicrhau bod pob unigolyn yn teimlo'n ddiogel wrth weithio ar y safle.

Arolwg

Adfail rhamantaidd o gastell, bwrdd stori mewn maen

Wedi’i sylfaenu’n wreiddiol tua dechrau’r 12fed ganrif, mae olion Coety yn gymysgedd o arddulliau pensaernïol sy’n rhychwantu canrifoedd ac sy’n adlewyrchu ei feddiannaeth faith. Yn y dechrau, castell gwrthglawdd oedd yma tua 1100 OC, a’r furlen a’r gorthwr carreg wedi’u hychwanegu tua diwedd y 12fed ganrif. Cafwyd gwaith ailadeiladu mawr yn y 14eg ganrif ac eto yn y 15fed ganrif, ar ôl i Owain Glyndŵr arwain gwarchae i’r castell yn ystod ei wrthryfel yn erbyn rheolaeth y Saeson. Gwnaethpwyd addasiadau pellach tua dechrau’r 16eg ganrif, gan gynnwys ychwanegu trydydd llawr.

Er bod y castell yn adfail bellach, mae nodweddion dros ben o bob oes yn taflu goleuni ar ei hanes maith a chwedlonol.