Priordy Ewenni

Hysbysiad ymwelwyr

Eiddo preifat yw tŷ Priordy Ewenni, ac nid yw yng ngofal Cadw. Wrth ymweld ag Eglwys Priordy Ewenni, parchwch breifatrwydd preswylwyr tŷ Priordy Ewenni.

Diolch yn fawr.

Anheddiad crefyddol anarferol o ryfelgar

Sefydlwyd Priordy Ewenni ym 1141 gan Maurice de Londres yn un o ganghennau abaty Benedictaidd Caerloyw, ac eglwys, tŷ offeiriad a chroesfâu’r priordy hwn yw’r goreuon sydd wedi goroesi o bensaernïaeth Romanésg Normanaidd yn y rhan hon o Gymru. Yn hynod hefyd y mae amddiffynfeydd annodweddiadol o gadarn yr anheddiad, sy’n cynnwys waliau a phyrth trawiadol y gellir eu gweld hyd heddiw.

Nid yw’n gwbl glir pam y byddai angen y fath amddiffynfeydd ar le bach a chymharol ddi-nod fel Ewenni: a gawsant eu hadeiladu i dynnu sylw yn hytrach nag amddiffyn? Er nad oedd gan y waliau amddiffynnol lawer o ran ynddi, mae’n siŵr, mae Priordy Ewenni wedi mwynhau bywyd hir a gweithgar - mae corff Normanaidd yr eglwys yn dal i wasanaethu’n eglwys blwyf leol.

Amseroedd agor a phrisiau

Amseroedd agor

1st Ebrill - 31st Mawrth	10am–4pm
Mynediad olaf 30 munud cyn cau Ar gau 24, 25, 26 Rhagfyr a 1 Ionawr

Gwybodaeth i ymwelwyr

Maes parcio

Lleoedd parcio ar gyfer 7 car ar gael, nid oes lleoedd parcio penodol i bobl anabl.

Anhawster cerdded

Tirwedd: Lefel 1 – Hygyrch

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Ar ôl mynd trwy'r gatiau, gellir cael mynediad i'r priordy gan ddefnyddio prif ddrysau'r plwyf.

Wrth ddilyn y ramp tua'r cefn, fe welwch y transept sy'n cynnwys sawl carreg fedd ar y llawr.

Mae'r mannau yma’n anwastad, arhoswch ar y llwybr wrth i chi archwilio’r rhan yma. Byddwch yn ofalus wrth i chi basio trwy'r priordy, mae yna ambell i drothwy i mewn i ystafelloedd a grisiau oddi ar y prif lwybr.

Mae drws ochr yn arwain i'r fynwent, sy'n anwastad o dan draed.

Mae rhannau allanol y priordy yn dywyll mewn mannau ac yn anwastad o dan draed. Peidiwch â dringo ar waliau cerrig y priordy, yn naturiol mae yna fannau cudd lle gallech chi ddisgyn o uchder.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.