Adeiladau Mwynglawdd Plwm Bryntail

Olion heddychol canolfan ddiwydiannol brysur

Yn eistedd yng nghysgod yr argae ym mhen deheuol Cronfa Ddŵr Llyn Clywedog, mae adeiladau Bryntail yn taflu goleuni ar adeg pan oedd y llecyn heddychol hwn yn ferw o ddiwydiant. Yn ystod y 19eg ganrif, roedd yma le swnllyd, myglyd wrth i’r plwm gael ei echdynnu a’i brosesu, cyn cael ei gludo i Lanidloes gerllaw ac yna mewn llongau i lawr Afon Hafren. Caeodd Bryntail ym 1884 wrth i ffyniant y mwyngloddio lleol ddod i ben. Ymhlith yr olion sy’n parhau mae tai mathru, biniau mwynau, ffyrnau chwilboeth, gefail a swyddfa rheolwr y mwynglawdd.