Ffwrnais Dyfi

SY20 8PH
Maes parcio
Polisi dronau
Croeso i gŵn

Esiampl wych o dreftadaeth ddiwylliannol Cymru mewn llecyn gwledig aruchel

Ni chyfyngwyd y Chwyldro Diwydiannol i’r glo a’r haearn yn ne Cymru a’r llechi yn y gogledd. Wedi’i hadeiladu tua 1755, mae’r ffwrnais chwyth hon, wedi’i thanio â glo ac a ddefnyddid i fwyndoddi mwyn haearn, ymhlith yr adeiladau diwydiannol gorau o’i fath ym Mhrydain erbyn hyn.

Gan ddefnyddio grym Afon Einion, byddai olwyn ddŵr y ffwrnais yn gyrru set enfawr o feginau. Byddai’r rhain yn chwythu a phwffian aer cywasgedig i’r ffwrnais, gan greu’r tymereddau chwilboeth y byddai eu hangen i brosesu’r mwyn yn haearn crai, a llawer ohono’n cael ei anfon i efeiliau yng Nghanolbarth Lloegr.

Dim ond am ryw hanner canrif y bu’r ffwrnais ar waith cyn cael ei gadael. Mae’r olwyn ddŵr a adferwyd sydd yn y golwg erbyn hyn yn arwydd o ail wynt yr adeilad yn felin lifio.

Amseroedd agor a phrisiau

Amseroedd agor

1st Ebrill - 31st Mawrth	Ar agor drwy’r flwyddyn
Ar agor drwy’r flwyddyn yng ngolau dydd

Gwybodaeth i ymwelwyr

Maes parcio

Mae lleoedd parcio (tua 12 o geir) mewn maes parcio ar draws y ffordd brysur. Nid oes lleoedd parcio penodol i bobl anabl.

Croeso i gŵn

Anhawster cerdded

Tirwedd: Lefel 2 – Hawdd

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Gallwch barcio gyferbyn â’r heneb. Bydd gofyn i chi groesi ffordd brysur. Mae'r heneb ar droad yn y ffordd, felly byddwch yn ofalus wrth groesi.

Ni allwch fynd i mewn i’r heneb, ond gallwch grwydro’r tu allan a'r ardaloedd cyfagos ar wahanol uchderau. Mae grisiau a llwybrau i’ch tywys i fyny, defnyddiwch y canllawiau ac arhoswch ar y llwybr.

Ar y pwynt uchaf mae llwyfan sy'n edrych dros y rhaeadr. Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag disgyn mewn mannau penodol. Peidiwch â dringo dros unrhyw reiliau ac ati sydd wedi’u gosod, na dringo drwyddynt.

Gwisgwch esgidiau sy’n gweddu i’r tywydd ac i amodau’r safle.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.

Wyneb llithrig neu anwastad

Cwymp sydyn

Camau serth ac anwastad

Dŵr dwfn

Cerrig yn disgyn

Cyfarwyddiadau

Google Map

Rheilffordd: Cyffordd Dyfi 2m (3.2km). Am fwy o wybodaeth, cysylltwch â: Traveline Cymru ar 0800 464 0000 neu Ymholiadau Rheilffyrdd Cenedlaethol ar 03457 48 49 50

Beic: RBC Llwybr Rhif 82 (4m/6.4km)

Cod post SY20 8PH

what3words: ///llwch.agor.bywydol