Castell y Bere

LL36 9TS
Croeso i gŵn
Polisi dronau
Dim ysmygu

Cyfuno dyfeisgarwch pensaernïol a manteision naturiol mewn cadarnle o waith llaw’r Cymry y mae’n rhaid ymweld ag ef

Ydy, mae’n anghysbell. Ond mae’n denu pawb sy'n frwd dros gestyll. Mewn llinyn ar hyd brigiad creigiog danheddog yn Nyffryn Dysynni wrth droed Cader Idris, mae Castell y Bere yn enwedig o dda am ddeffro naws ac awyrgylch cestyll brodorol Cymru. Fe’i hadeiladwyd gan reolwr Cymru Llywelyn ap Iorwerth (Llywelyn Fawr) i warchod ffin ddeheuol Gwynedd, a dechreuodd y gwaith adeiladu ym 1221, a’r castell yn cael ei ddefnyddio o hyd tan 1294. Er gellir priodoli llawer o gryfder Castell y Bere i’w uchelfan, mae ei ddyluniad yn tystio i ddyfeisgarwch ei benseiri Cymreig. Roedd y fynedfa soffistigedig, sy’n cynnwys dau borthdy gyda phontydd codi ac efallai porthcwlisiau, gryn dipyn o flaen ei hoes, hyd yn oed yn ôl safonau amddiffynfeydd y Saeson.

Mwy am Gastell y Bere

Amseroedd agor a phrisiau

Amseroedd agor

1st Ebrill - 31st Mawrth	Ar agor drwy’r flwyddyn
Ar agor drwy'r flwyddyn yng ngolau dydd Ar gau 24, 25, 26 Rhagfyr a 1 Ionawr

Gwybodaeth i ymwelwyr

Lle i gadw beiciau

Croeso i gŵn

Maes parcio

Maes parcio bach ger mynedfa’r safle.

Anhawster cerdded

Tirwedd: Lefel 4 – anodd

Polisi dronau

Dim ysmygu

Iechyd a Diogelwch

Gellir dod o hyd i’r heneb o fewn coetir ar ei ben ei hun. Bydd angen i ymwelwyr ddilyn y llwybr o'r maes parcio sy'n mynd â chi at y grisiau i brif fynedfa'r castell.

Mae'r tir yma yn anwastad a gall fod yn fwdlyd mewn tywydd gwael. Mae rhai lleoedd parcio yn y maes parcio dynodedig, gydag ambell le ar hyd y llwybr. Gofynnwn i chi beidio â pharcio ar y brif ffordd gan ei bod yn eithaf cul ac ymatal rhag parcio yn eiddo ein cymydog.

Mae'r heneb ei hun wedi'i chodi ar wahanol lefelau o uchder, sy'n gofyn am ddefnyddio sawl gris a dringo ychydig. Gall y pontydd pren a’r grisiau hanesyddol hefyd fod yn llithrig mewn amodau gwlyb. Mae’r grisiau hanesyddol hefyd yn naturiol yn anwastad mewn mannau, defnyddiwch y canllawiau lle maen nhw ar gael.

Mae nifer o risiau hanesyddol yn arwain at rannau o’r wal uchaf, nid ydym yn annog unrhyw archwilio pellach o'r ardal hon a gofynnwn yn garedig i chi ddychwelyd gan ddefnyddio'r grisiau.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag cwympo mewn ardaloedd penodol.

Gall dringo arwain at anaf difrifol. Peidiwch â dringo dros neu drwy unrhyw osodiad sefydlog.
Mae hyn yn cynnwys y ffynnon a fydd yn llawn dŵr.

Mae yna rai llwybrau ochr sy'n mynd trwy byrth bwaog bach, mae'r rhain yn hawdd eu gweld. Gofynnwn i chi fod yn ofalus nad ydych yn taro’ch pen wrth fynd drwyddynt.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.