Abaty a Chartws Llandudoch

SA43 3DX
Maes parcio
Croeso i gŵn
Toiledau

Hysbysiad Ymwelwyr

Sylwch fod Canolfan Ymwelwyr y Cartws a'r cyfleusterau'n cael eu rheoli'n annibynnol – edrychwch ar eu gwefan am amseroedd agor :- www.stdogmaelsabbey.org.uk

Adfeilion anheddiad crefyddol arwyddocaol yn rhychwantu canrifoedd

Wedi’i sylfaenu ym 1120 ar safle eglwys gyn-Normanaidd gynharach, gellir gweld statws Llandudoch yn ganolfan grefyddol mewn adfeilion helaeth sy’n rhychwantu pedair canrif o fywyd mynachaidd. Tardda elfennau o’r eglwys a’r cloestr o’r 12fed ganrif, a daw waliau gorllewinol a gogleddol tal corff yr eglwys o’r 13eg ganrif. Adeiladwyd porth gogleddol cain, a chanddo addurniadau o’r 14eg ganrif a chroesfa ogleddol, yng nghyfnod y Tuduriaid.

Adferwyd Cartws yr abaty ac mae bellach yn gartref i amgueddfa a chanolfan ymwelwyr sy’n taflu goleuni ar nifer o ganrifoedd o fywyd Cristnogol drwy arteffactau sy’n eich tywys ar daith drwy amser. Ceir hefyd adluniad trawiadol o’r abaty ar ei anterth yn y 15fed ganrif, wedi’i gynhyrchu gan gyfrifiadur.

Amseroedd agor a phrisiau

Amseroedd agor

1st Ebrill - 31st Mawrth	Ar agor drwy’r flwyddyn
Ar agor drwy’r flwyddyn yng ngolau dydd

Gwybodaeth i ymwelwyr

Toiledau hygyrch

Toiledau hygyrch ar gyfer ymwelwyr.

Maes parcio

Parcio am ddim ar gael i ymwelwyr.

Mynediad i bobl anabl

Mae'r rhan fwyaf o'r safle ar lethr gydag adfeilion yr abaty wedi'u lleoli ar ben uchaf y safle.

Mynediad da ar y cyfan i gerddwyr ond gall fod yn anodd i ddefnyddwyr cadair olwyn.

Mae adfeilion yr abaty o fewn 100 metr i'r ardal barcio.

Croeso i gŵn

Toiledau

Mae toiledau ymwelwyr ar y safle hwn.

Anhawster cerdded

Tirwedd: Lefel 2 – Hawdd

Taith sain

Arddangosfa

Mae arddangosfa ar y safle o fewn yr heneb.

Siop roddion

Mae siop ar y safle sy’n cynnig amrywiaeth o gynnyrch a llyfrau.

Lluniaeth

Mae lluniaeth ysgafn ar gael.

Tywyslyfr

Llawlyfr am y safle ar gael i’w brynu ar-lein ac mewn canolfannau ymwelwyr dethol.

Cyflwyniad fideo

Mae’r safle ar gael i’w logi ar gyfer digwyddiadau, arddangosfeydd a ffilmio.

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Iechyd a Diogelwch

Mae’r Abaty ar lethr, a rhaid defnyddio hen risiau a rhai newydd i’w gyrraedd. Mae lloriau llyfn i’w cael mewn ambell le. Byddwch yn ofalus pan fo’r tywydd yn wlyb gan y bydd y rhain a'r glaswellt yn llithrig.

Bydd angen rhywfaint o ystwythder i gyrraedd rhannau uchaf y safle, gan fod yn rhaid dringo dros hen drothwy garreg isel i’w cyrraedd. Mae rhai o'r ardaloedd hyn yn uwch nag eraill, byddwch yn ofalus yn yr ardaloedd hyn.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag cwympo mewn ardaloedd penodol. Peidiwch â dringo dros neu drwy unrhyw osodiad sefydlog.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.