Castell Cilgerran

SA43 2SF
Canllaw mynediad
Croeso i gŵn

Hysbysiad ymwelwyr

MaeCastell Cilgerran ar agor fel rhan o'n rhaglen teithiau tywys o fis Mai i fis Awst bob blwyddyn. Mae'r teithiau hyn yn gyfle unigryw i archwilio'r safle gyda gwybodaeth arbenigol am ei hanes a'i arwyddocâd. Ydych chi eisiau bod ymhlith y rhai cyntaf i gael gwybod am ddyddiadau newydd ar gyfer teithiau, a’r prisiau?

Cofrestrwch ar gyfer ein cylchlythyr a bydd diweddariadau’n dod yn syth i'ch mewnflwch

Hysbysiad Ymwelwyr

Gall tyrau'r castell gael eu cau ar fyr rybudd oherwydd tywydd garw / pryderon Iechyd a Diogelwch. Ymddiheurwn ymlaen llaw os byddwch yn ymweld a’u bod nhw dan glo.

Castell ysblennydd nad oedd mor ddiogel ag y gobeithiai’r Normaniaid

Safle Castell Cilgerran yw un o’r mwyaf ysblennydd yng Nghymru. Daw ei ddau dŵr crwn mawr i’r amlwg fry uwchben ceunant dwfn Afon Teifi a nant gyflym Plysgog.

Hawdd fuasai meddwl mai hwn oedd y llecyn perffaith i’r Eingl-Normaniaid amddiffyn y tiroedd yr oeddent newydd eu goresgyn. Cerddwch y llwybr gwefreiddiol ar hyd y wal o’r tŵr dwyreiniol i ddeall yn union mor frawychus oedd y lle, mae’n rhaid, i rwystro llywodraethwyr teyrnas hynafol Deheubarth.

Ond nid oedd yn ddigon cadarn, wedi’r cyfan. Mae’n siŵr mai castell ‘cylchfur’ a godwyd yma gyntaf ym 1108 gan yr anturiwr Normanaidd, Gerald de Windsor, ac yna newidiodd Cilgerran ddwylo lawer o weithiau dros y ganrif nesaf neu ragor.

Nid oedd rheolaeth y Normaniaid yn sefyll yn gadarn tan 1223, pan adeiladodd iarll nwyfus Penfro, William Marshal, ‘gastell addurnedig o forter a cherrig’ ar ben y safle gwreiddiol. Er bod Llywelyn ap Gruffudd ac Owain Glyndŵr wedi gwneud eu gorau glas, ni chwympodd Cilgerran byth eto i’r Cymry.

Mwy am Gastell Cilgerran

Amseroedd agor a phrisiau

Amseroedd agor

1st Ebrill - 31st Mawrth	10am–4pm
Mynediad olaf 30 munud cyn cau Ar gau 24, 25, 26 Rhagfyr a 1 Ionawr Ar agor ac yn ddi-staff, gyda mynediad am ddim

Gwybodaeth i ymwelwyr

Canllaw mynediad

Darllenwch ein canllaw hygyrchedd i gael gwybodaeth am sut i gynllunio eich ymweliad.

Castell Cilgerran — Canllaw Mynediad

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Lle i gadw beiciau

Mae lle i gadw beiciau ar gael yn y maes parcio neu’n agos i’r safle.

Anhawster cerdded

Tirwedd: Lefel 2 – Hawdd

Llogi Safle

Mae’r safle ar gael i’w logi ar gyfer digwyddiadau, arddangosfeydd a ffilmio.

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Wedi'i amgylchynu gan ffos fawr sych, mae’n weddol hawdd mynd o amgylch tiroedd y castell, ond mae cyfle i gael mynediad at lwybrau cerdded ar ran uchaf a rhannau mewnol y castell ac i lawr i'r ffos.

Mae'r bont yn cynnwys cyfres o osodiadau i atal pobl rhag llithro, ni ddylid rhedeg ar draws y bont. Goruchwyliwch blant wrth ddefnyddio'r bont.

Mae mynediad i'r ffos trwy’r llwybr yng nghefn y safle.

Peidiwch â dringo'n uniongyrchol i fyny nac i lawr i'r ffos o ymyl glannau’r ffos. Goruchwyliwch blant bob amser wrth ddefnyddio'r ardal bicnic.

Mae mynediad i'r llwybr cerdded ar y wal trwy dyrau mewnol y castell. Yn y tyrau mae’r grisiau cerrig yn rhai gwreiddiol, gall y rhain fod yn llithrig ac yn anwastad.

Gwyliwch am lwybrau cerdded isel wrth fynd at rai o risiau'r tŵr.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag cwympo mewn ardaloedd penodol.

Gall dringo arwain at anaf difrifol. Peidiwch â dringo dros neu drwy unrhyw osodiad sefydlog.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael, fodd bynnag, rydym yn rheoli hyn trwy fonitro trylwyr.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.