Castell y Fflint
Hysbysiad ymwelwyr
Os ydych chi’n bwriadu ymweld â Chastell y Fflint, cofiwch fod tŵr y gogledd ynghau ar hyn o bryd; mae hwn yn fesur dros dro i gefnogi bywyd gwyllt gwarchodedig a byddwn yn ailagor y tŵr yn fuan. Diolch am eich amynedd.
Arolwg
Y cynharaf a’r mwyaf anarferol o gestyll Cymru a adeiladwyd gan y Saeson
Mae’r rheini sy’n frwd dros bensaernïaeth filwrol yn anelu’n syth am y Fflint. Hwn yw’r castell cyntaf i’w sylfaenu yn rhan o ymgyrch Edward I yn erbyn Llywelyn ap Gruffydd (Llywelyn Ein Llyw Olaf) yng ngogledd Cymru, ac mae iddo ddyluniad unigryw ac anarferol o soffistigedig.
Dechreuwyd y gwaith ym 1277 ac fe’i cwblhawyd gan mwyaf erbyn 1284, a phrif nodwedd y castell yw’r tŵr mawr (neu orthwr) yng nghornel y de-ddwyrain. Wedi’i amgylchynu gan ei ffos ei hun a phont godi’n arwain i mewn iddo, castell o fewn castell ydyw i bob pwrpas. Fe’i hadeiladwyd â waliau eithriadol o drwchus a’r holl gyfleusterau gofynnol i wrthsefyll gwarchae, felly gellir tybio mai’r bwriad oedd cael lloches derfynol mewn ymosodiad.
Mae Castell y Fflint hefyd yn enwog am fod yn lleoliad cyfarfod tyngedfennol ym 1399 rhwng Rhisiart II a’i gystadleuydd i’r goron Henry Bolingbroke (Harri IV yn ddiweddarach), digwyddiad a wnaed yn anfarwol yn nrama Richard II Shakespeare.
Amseroedd agor
Bob dydd 10am–4pm
Mynediad olaf 30 munud cyn cau
Ar gau 24, 25, 26 Rhagfyr a 1 Ionawr
Prisiau
| Categori | Price |
|---|---|
| Costau mynediad |
Am ddim
|
Cyfleusterau
Ceir arwyddion meysydd parcio cyhoeddus yn y dref â mynediad da i'r castell.
Mae 1 lle parcio penodol i bobl anabl tua 100 metr i ffwrdd.
Mae croeso i gŵn ar dennyn gael mynediad i lefelau llawr gwaelod y safle.
Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau
