Castell Ewloe

CH5 3BZ
Maes parcio
Croeso i gŵn
Polisi dronau

Castell o waith llaw brodorion mewn safle coedwig anghonfensiynol

Er ei fod yn rhannu nodweddion nodedig gyda llawer o gestyll Cymru a adeiladwyd gan frodorion, mae lleoliad Ewloe yn ei wneud yn unigryw. Er bod tywysogion Cymru ar y cyfan wedi dewis llecynnau manteisiol uchel ar gyfer eu caerau, eistedda Ewloe mewn pant ymysg trwch o goetir.

Er bod y safle fel petai’n ddelfrydol bellach, arferai’r ffindiroedd hyn fod yn diriogaeth a sbardunai anghytuno mawr, a’r Cymry a’r Saeson yn gwrthdaro yno’n aml.

Oherwydd diffyg cofnodion o’r cyfnod, hanes gweddol frith sydd i’r castell. Mae’n siŵr bod y tŵr carreg siâp-D, sy’n nodweddiadol Gymreig, wedi’i adeiladu gan Llywelyn ap Iorwerth (Llywelyn Fawr) rywbryd ar ôl 1210, a’r murlenni a’r tŵr gorllewinol cylchol yn cael eu hychwanegu gan Llywelyn ap Gruffydd (Llywelyn Ein Llyw Olaf) bron 60 mlynedd yn ddiweddarach.

Amseroedd agor a phrisiau

Amseroedd agor

1st Ebrill - 31st Mawrth	Ar agor drwy’r flwyddyn
Ar agor drwy'r flwyddyn yng ngolau dydd

Gwybodaeth i ymwelwyr

Maes parcio

Gall 5 car barcio yn y gilfan.

Ceir mynediad drwy dir fferm, tua 500 metr o ochr y ffordd.

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Anhawster cerdded

Tirwedd: Lefel 3 — Cymedrol

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Dyma gastell yng nghanol coedwigoedd Sir y Fflint. Mae arwyneb y llwybr mynediad yn newidiol a gall fod yn gorsiog mewn mannau. Gwnewch yn siŵr eich bod yn gwisgo esgidiau sy’n briodol i'r tywydd ac i amodau'r safle.

Bydd yn cymryd tua 10–15 munud i gyrraedd y castell ar ôl parcio ar ochr y ffordd a dilyn y llwybr.

Rydym yn eich cynghori i aros ar ochr dde'r heneb ac i ddefnyddio'r grisiau. Mae tua 40–50 o risiau isel modern.

Mae cymysgedd o risiau modern a hen risiau carreg yn y castell, ac mae lle i gerdded ar hyd y muriau. Rydym yn argymell i chi ddefnyddio canllawiau ac i fod yn ofalus pan fyddwch yn defnyddio’r grisiau.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.