Castell Caergwrle

LL12 9DG
Maes parcio
Croeso i gŵn
Polisi dronau

Castell Caergwrle yw un o gaffaeliadau diweddaraf Cadw drwy Warcheidiaeth, er bod y safle ehangach yn parhau ym mherchnogaeth Cyngor Cymuned yr Hôb.

Adeiladwyd y castell rhwng 1278 a 1282 gan Dafydd ap Gruffydd (m. 1283), brawd Llywelyn ap Gruffydd, ar dir a roddwyd iddo gan Edward I ac a gymerwyd o Bowys. Dyma’r castell olaf i gael ei adeiladu gan Dywysog Cymreig brodorol.

Roedd y castell yn sylfaen ar gyfer ymosodiad Dafydd ar garsiwn Lloegr ym Mhenarlâg ym 1282, a arweiniodd at ail ymgyrch Edward yn erbyn y Cymry.

Parhaodd gwaith ar y castell o dan law’r Goron, ond mae’n debyg ei fod yn anghyflawn pan gefnwyd ar y lle wedi tân, ac roedd yn adfail erbyn 1335. Mae llwybr ag arwyddbyst o gyffordd Ffordd Wrecsam a Stryd y Castell yng nghanol y pentref.

Cytunwyd ar raglen 5 mlynedd o welliant i dir ehangach y castell gyda’r Cyngor Cymuned, ac fe’i darperir gan Wasanaethau Cefn Gwlad Sir y Fflint.

Amseroedd agor a phrisiau

Amseroedd agor

1st Ebrill - 31st Mawrth	Ar agor drwy’r flwyddyn
Ar agor drwy'r flwyddyn yng ngolau dydd Ar gau 24, 25, 26 Rhagfyr a 1 Ionawr

Gwybodaeth i ymwelwyr

Maes parcio

Mae parcio cyhoeddus ar gael yn y pentref ychydig oddi ar y Stryd Fawr.

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Anhawster cerdded

Tirwedd: Lefel 3 — Cymedrol

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Mae modd parcio ar y strydoedd dan y castell; efallai bydd angen i chi groesi prif ffordd brysur i gyrraedd y fynedfa. Mae’r llwybr trwy’r coed ar waelod y bryn yn serth. Gall y ddaear fod yn anwastad ac yn fwdlyd mewn mannau.

Rhaid cerdded ar laswellt ar gopa’r safle. Gwisgwch esgidiau sy’n gweddu i’r tywydd ac i amodau’r safle.

Gallwch ddefnyddio’r naill risiau neu’r llall i gael mynediad i’r castell. Mae canllaw ar y grisiau sydd ar y chwith, os oes arnoch angen cymorth. Gan fod y castell yn uchel ar ael y bryn, mae cwymp y tu hwnt i'r wal gefn adfeiliedig. Mae’r safle ar allt.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.