Castell Bronllys

Tŵr carreg cadarn a chanddo hanes cythryblus

Wedi’i adeiladu am y tro cyntaf yn gastell ‘tomen a beili’ sylfaenol tua diwedd yr 11eg ganrif neu ddechrau’r 12fed ganrif, mae tŵr carreg Castell Bronllys sydd dros ben yn dyddio o’r 13eg ganrif. Gallwch ddringo tri llawr y tŵr o hyd, lle cewch olygfeydd pellgyrhaeddol o’r lloriau uchaf i gael syniad da o bwysigrwydd strategol y safle – yn sgil ei leoliad yn nhiriogaeth ddadleuol gororau’r Mers, trosglwyddwyd y castell rhwng dwylo’r Saeson a’r Cymry nifer o weithiau dros y canrifoedd.

Fe’i hatgyweiriwyd tua dechrau’r 15fed ganrif mewn ymateb i’r gwrthryfel brodorol dan arweinyddiaeth Owain Glyndŵr cyn mynd â’i ben iddo. Ochr yn ochr â’r tŵr, mae gweddillion waliau a’r ffos ddofn i’w gweld o hyd.

Amseroedd agor a phrisiau

Amseroedd agor

1st Ebrill - 31st Mawrth	10am–4pm
Mynediad olaf 30 munud cyn cau Ar gau 24, 25, 26 Rhagfyr a 1 Ionawr Noder: yn ystod tywydd garw, efallai y bydd angen inni gau’r heneb ar fyr rybudd am resymau iechyd a diogelwch. Edrychwch ar ein sianeli cyfryngau cymdeithasol cyn ymweld er mwyn sicrhau bod y safle ar agor ac yn ddiogel i ymweld â hi.

Gwybodaeth i ymwelwyr

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Anhawster cerdded

Tirwedd: Lefel 3 — Cymedrol

Polisi dronau

Dim ysmygu

Iechyd a Diogelwch

Rhaid bod yn ofalus a chymryd sylw wrth ymweld â'r heneb hon. Mae'r tir y tu allan yn agored i'r elfennau naturiol ac efallai’n llithrig neu'n fwdlyd o dan draed. Rhaid ystyried pa esgidiau sy’n briodol ar gyfer y tymor cyn eich ymweliad.

Mae amgylcheddau hanesyddol adeiledig weithiau’n anwastad o dan draed gyda grisiau cul, serth ac uchder y stepiau’n amrywio. Rhaid bod yn ofalus wrth fynd i'r lefelau uwch a'r lleoedd mesanîn / balconi.

Yn aml, mae trothwyon uchel a fframiau drysau isel wrth fynd i mewn a thrwy’r mannau sydd dan do. Gofynnwn yn garedig bod unrhyw ganllaw sydd yno yn cael ei ddefnyddio'n briodol ac nad oes neb yn dringo ar neu o fewn yr heneb.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag disgyn mewn mannau penodol. Peidiwch â dringo dros unrhyw reiliau ac ati sydd wedi’u gosod, na dringo drwyddynt.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol, cymerwch sylw ohonynt lle bo’n briodol.