Castell Carreg Cennen

SA19 6UA
Maes parcio
Siop roddion
Lluniaeth

Hysbysiad i Ymwelwyr

Sylwch fod hwn yn safle a reolir ar y cyd ac nad yw Cadw yn ei staffio; nid yw cardiau aelodaeth CSSC, talebau credyd amser a chynlluniau mynediad am ddim eraill nad ydynt yn rhai Cadw yn ddilys yn y safle hwn.

I gael y wybodaeth ddiweddaraf am amseroedd agor, prisiau mynediad a chyfleusterau – edrychwch ar wefan Carreg Cennen: http://www.carregcennencastle.com

Diolch

Adfail eiconig yn cynnig profiad bythgofiadwy o ramantus

Croeso i’r adfail mwyaf rhamantus yng Nghymru – ac mae hynny’n swyddogol, yn ôl pleidlais darllenwyr cylchgrawn Countryfile.

Ar glamp o glegyr calchfaen bron 300 troedfedd/90m uwchlaw Afon Cennen, amlinell ddramatig Carreg Cennen yw’r brif nodwedd ar y gorwel am filltiroedd ac mae’n meddu ar olygfeydd trawiadol ar draws cefn gwlad Sir Gâr.

Adeiladwyd y castell, yn ôl pob tebyg, gan John Giffard, barwn ffyddlon Edward I, ar ddiwedd y 13eg ganrif, ac o’r olwg gyntaf, mae’n ysgogi ymdeimlad anhygoel o ddrama a phellenigrwydd ynoch.

Yn y lle gwyllt hwn, heb lawer iawn i’ch atgoffa o’r byd modern, bydd y castell fel petai’n darganfyddiad personol ichi. Felly ewch i mewn i’r barbican coeth yng nghysgod ei ddau dŵr. Archwiliwch yr ogof naturiol a’r dramwyfa gromennog wedi’i thorri i wyneb y clogwyn.

Byddwch yn siŵr o gael profiad bythgofiadwy.

Mwy am Gastell Carreg Cennen

Amseroedd agor a phrisiau

Amseroedd agor

1st Ebrill - 31st Hydref	9.30am-6pm
1st Tachwedd - 31st Mawrth	9.30am-4.30pm
Ar gau Dydd Nadolig Mynediad olaf 60 munud cyn cau Mae'r safle cyfan yn cael ei gau a'r parcio yn cael ei gloi yn 6pm bob dydd

Prisiau

Categori	Price
Aelod - Ymunwch rŵan	Am ddim
Oedolyn	£7.70
Teulu*	£24.60
Person Anabl a Chydymaith	Am ddim
Plant (Oed 5-17) / UCM / Lluoedd Arfog a Chyn-filwyr	£5.30
Pobl hŷn (Oed 65+)	£6.90
*2 oedolyn a hyd at 3 plentyn Mae pob plentyn o dan 5 oed yn cael mynediad am ddim Nodiadau os gwelwch yn dda — Ni fydd credydau/ tocynnau amser (nac unrhyw gynllun arall) yn berthnasol i’r safleoedd hyn.

Categori	Price
Aelod - Ymunwch rŵan	Am ddim
Oedolyn	£7.35
Teulu*	£23.50
Person Anabl a Chydymaith	Am ddim
Plant (Oed 5-17) / UCM / Lluoedd Arfog a Chyn-filwyr	£5.10
Pobl hŷn (Oed 65+)	£6.50
*2 oedolyn a hyd at 3 plentyn Mae pob plentyn o dan 5 oed yn cael mynediad am ddim Nodiadau os gwelwch yn dda — Ni fydd credydau/ tocynnau amser (nac unrhyw gynllun arall) yn berthnasol i’r safleoedd hyn.

Gwybodaeth i ymwelwyr

Newid cewynnau

Toiledau gyda chyfleusterau i newid babanod.

Mynediad i feiciau

Mae lle i gadw beiciau ar gael yn y maes parcio neu’n agos i’r safle.

Maes parcio

Mae'r maes parcio o fewn cyrraedd hawdd i fferm y castell lle ceir tua 50 o leoedd parcio ceir.

Mae'r safle cyfan yn cael ei gau a'r parcio yn cael ei gloi yn 6pm bob dydd.

Dim maes parcio hygyrch penodol

Byddwch yn ofalus er eich diogelwch eich hun a diogelwch eraill gan mai tir amaethyddol yw hwn/fferm weithiol yw hon gyda da byw a/neu beirianwaith arni.

Ewch yn syth at yr heneb a pheidiwch â chyffwrdd â'r da byw.

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Clyw cludadwy

Mae dolen sain gludadwy ar gael.

Toiledau

Ar gau

Anhawster cerdded

Tirwedd: Lefel 4 – anodd

Arddangosfa

Mae arddangosfa ar y safle o fewn yr heneb.

Siop roddion

Mae siop ar y safle sy’n cynnig amrywiaeth o gynnyrch a llyfrau.

Lluniaeth

Mae lluniaeth ysgafn ar gael.

Tywyslyfr

Llawlyfr am y safle ar gael i’w brynu ar-lein ac mewn canolfannau ymwelwyr dethol.

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Health & Safety

Mae'r castell wedi'i leoli ar ben bryn serth, sydd weithiau'n gartref i dda byw bach.

Byddwch yn ofalus wrth ymweld mewn tywydd gwael oherwydd gall y ddaear fod yn llithrig dan draed. Mae yna lethrau serth ar hyd ymylon y castell.

Mae nifer o risiau a llwybr serth i lawr i'r ogof.

Mae'r ogof yn dywyll iawn, a dylai perchennog y castell ddarparu tortshis wrth y brif fynedfa.

Cymerwch ofal a gwyliwch ble rydych yn rhoi’ch traed, gan fod y ddaear yma yn aml yn wlyb ac yn llithrig.

Gall y twnnel yn yr ogof fod yn gul mewn mannau, gyda charreg naturiol isel uwchben. Rhowch ddigon o le i ymwelwyr o'ch blaen a byddwch yn barod i ildio os ydyn nhw’n dod nôl at fynedfa'r ogof.

Byddwch yn ymwybodol nad oes canllaw i bob gris, ac mae'r grisiau’n garreg hanesyddol naturiol, a all fod yn anwastad. Rydym yn eich cynghori i ddefnyddio’r canllawiau os oes rhai.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag cwympo mewn ardaloedd penodol.

Gall dringo arwain at anaf difrifol. Peidiwch â dringo dros neu drwy unrhyw osodiad sefydlog.

Fel gyda phob heneb hynafol mae perygl bob amser i gerrig ddod yn rhydd mewn tywydd gwael, fodd bynnag, rydym yn rheoli hyn trwy fonitro trylwyr.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

{"preview_thumbnail":"/sites/default/files/styles/video_embed_wysiwyg_preview/public/video_thumbnails/kU2fqmQOKSM.jpg?itok=VDmrFd3P","video_url":"https://www.youtube.com/watch?v=kU2fqmQOKSM","settings":{"responsive":true,"width":"854","height":"480","autoplay":false},"settings_summary":["Embedded Video (Responsive)."]}