Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Ceisiadau cynllunio

Rydym yn darparu asesiad i awdurdodau cynllunio lleol o effaith debygol cynigion cynllunio ar:

  • henebion cofrestredig a’u lleoliadau
  • parciau a gerddi hanesyddol cofrestredig a’u lleoliadau
  • tirweddau hanesyddol cofrestredig
  • Safleoedd Treftadaeth y Byd.

Nid ydym yn darparu asesiadau o effaith debygol cynigion cynllunio ar adeiladau rhestredig neu ardaloedd cadwraeth gan mai’r awdurdodau cynllunio lleol sy’n ystyried y rhain.

Rydym yn asesu ar sail polisi a chanllawiau defnydd tir Llywodraeth Cymru yn:

Nid ydym bob amser yn gwrthwynebu ceisiadau yr ydym yn ystyried fel rhai sy’n debygol o gael effaith niweidiol ar yr amgylchedd hanesyddol. Er enghraifft, efallai y bydd ein hatebion ymgynghori yn esbonio sut y gellir mynd i’r afael â’n pryderon am effaith y cais.

Pryd mae eraill yn ymgynghori â Cadw?

Does dim angen ymgynghori â ni ar bob cais cynllunio yng Nghymru, ond mae’n rhaid gwneud hynny yn yr achosion canlynol:

  • datblygiad sy’n cael effaith ffisegol uniongyrchol ar heneb gofrestredig
  • datblygiad sy’n debygol o fod yn weladwy o heneb gofrestredig ac sy’n bodloni un o’r meini prawf a ganlyn

a) ei fod o fewn pellter o 0.5 cilomedr o unrhyw bwynt ar berimedr heneb gofrestredig

(b) ei fod o fewn pellter o 1 cilomedr o berimedr heneb gofrestredig a bod ei uchder yn 15 o fetrau neu ragor, neu fod ei arwynebedd yn 0.2 hectar neu ragor

(c) ei fod o fewn pellter o 2 gilomedr o berimedr heneb gofrestredig a bod ei uchder yn 50 metr neu ragor, neu fod ei arwynebedd yn 0.5 hectar neu ragor

(d) ei fod o fewn pellter o 3 cilomedr o berimedr heneb gofrestredig a bod ei uchder yn 75 o fetrau neu ragor, neu fod ei arwynebedd yn 1 hectar neu ragor; neu

(e) ei fod o fewn pellter o 5 cilomedr o berimedr heneb gofrestredig a bod ei uchder yn 100 metr neu ragor, neu fod ei arwynebedd yn 1 hectar neu ragor; neu

  • datblygiad sy’n debygol o effeithio ar safle parc hanesyddol cofrestredig neu ei leoliad
  • datblygiad o fewn tirwedd hanesyddol gofrestredig y mae angen Asesiad o’r Effaith Amgylcheddol ar ei gyfer; neu
  • datblygiad sy’n debygol o gael effaith ar werth byd-eang eithriadol Safle Treftadaeth y Byd.

Mae’r holl fanylion am pryd ddylai awdurdod cynllunio lleol ymgynghori â ni i’w gweld yn Atodlen 4 Gorchymyn Cynllunio Gwlad a Thref (Gweithdrefn Rheoli Datblygu) (Cymru) (Diwygio) 2016.