Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Asesiadau o’r Effaith ar Dreftadaeth

Mae asesiad o’r effaith ar dreftadaeth yn broses strwythuredig i sicrhau y byddwch yn ystyried arwyddocâd eich ased hanesyddol pan fyddwch yn datblygu ac yn llunio cynigion ar gyfer newid.  Mae’n rhan graidd o’r broses ddylunio, sy’n profi a yw eich cynigion ar gyfer newid ased hanesyddol yn briodol drwy asesu eu heffaith ar ei arwyddocâd.  Mae’n helpu i sicrhau bod yr hyn sy’n bwysig ynglŷn â’ch ased hanesyddol yn cael ei gynnal, neu hyd yn oed ei wella, pan fyddwch yn gwneud unrhyw newidiadau.

Mae’n rhaid i chi gynnal asesiad o’r effaith ar dreftadaeth a llunio datganiad o’r effaith ar dreftadaeth ym mhob achos lle mae angen cael caniatâd adeilad rhestredig neu ganiatâd ardal gadwraeth ar gyfer eich cynigion.  Ac efallai y bydd angen i chi gyflwyno datganiad o’r effaith ar dreftadaeth gyda chais am ganiatâd heneb gofrestredig. Bydd hyn yn sicrhau bod gan y rhai sy’n gwneud penderfyniadau y wybodaeth sydd ei hangen arnynt i ddeall y rhesymau dros eich cynnig a phwyso a mesur y risgiau a’r manteision. Gall gwybodaeth dda, sydd ar gael o’r dechrau, gyflymu penderfyniadau, lleihau costau a sicrhau gwaith dylunio gwell yn gyffredinol.

Ar gyfer asedau hanesyddol eraill hefyd — gan gynnwys parciau a gerddi hanesyddol cofrestredig, Safleoedd Treftadaeth y Byd ac asedau hanesyddol o ddiddordeb lleol arbennig — gall asesu’r effaith ar dreftadaeth eich helpu i ddod o hyd i’r ffordd orau o ddarparu ar gyfer newid.

Mae Asesiadau o’r Effaith ar Dreftadaeth yng Nghymru yn nodi’r egwyddorion cyffredinol i’w hystyried wrth gynllunio newidiadau i asedau hanesyddol a gwneud cais am ganiatâd adeilad rhestredig, caniatâd ardal gadwraeth a chaniatâd heneb gofrestredig.

Mae’r ddogfen ganllaw arfer gorau hon yn bennaf ar gyfer perchnogion, deiliaid ac asiantau asedau hanesyddol er mwyn eu helpu i ddeall pam, pryd a sut i ddefnyddio proses asesu’r effaith ar dreftadaeth ac ysgrifennu datganiadau o’r effaith ar dreftadaeth. Mae hefyd yn dangos sut i ystyried Egwyddorion Cadwraeth ar gyfer Rheoli Amgylchedd Hanesyddol Cymru mewn Ffordd Gynaliadwy (Egwyddorion Cadwraeth) Cadw er mwyn cyflawni newid sensitif o ansawdd uchel, gan ddefnyddio egwyddorion dylunio da.

Dylai awdurdodau sy’n gwneud penderfyniadau hefyd ddefnyddio’r canllawiau hyn ochr yn ochr â Pholisi Cynllunio Cymru, Nodyn Cyngor Technegol 24:  Yr Amgylchedd Hanesyddol a’r Egwyddorion Cadwraeth i lywio eu polisïau eu hunain ac wrth ystyried ceisiadau unigol am ganiatâd cynllunio a chaniatâd adeilad rhestredig, caniatâd ardal gadwraeth a chaniatâd heneb gofrestredig, gan gynnwys trafodaethau cyn ymgeisio.