Drysau Agored - Amgueddfa Cyflymder

Os ydych chi’n chwilio am ddiwrnod allan sy’n rhyngweithiol, yn addysgiadol ac yn llawn hwyl, yna does dim angen edrych ymhellach!

Mae’r Amgueddfa Cyflymder newydd sbon yn adrodd stori eiconig Traeth Pentywyn a’r recordiau chwaraeon enwog sydd wedi’u gosod yma, mewn ffordd rhyngweithiol a thrwy brofiad. Mae arddangosfeydd parhaol yn darlunio hanes chwaraeon modur ar y tywod trwy arddangosfeydd clyweledol a gwrthrychau gan y bobl a fu’n rasio yma. Mae gwrthrychau a fenthycwyd gan Amgueddfa Cymru a'r Amgueddfa Foduron Genedlaethol, fel cynffon Bluebird Syr Malcolm Campbell, yn ychwanegu swyn i'r straeon.

Mae’r arddangosfeydd parhaol eraill yn edrych ar wyddoniaeth cyflymder a hanes cudd profion arfau ym Mhentywyn. Mae’r arddangosfeydd rhyngweithiol yn eich annog i arbrofi â dylunio ar gyfer cyflymder, 
tra bod arddangosfeydd clyweledol yn cynnig cipolwg ar bresenoldeb y Weinyddiaeth Amddiffyn yn y twyni, a ddechreuodd yn ystod yr Ail Ryfel Byd.

Mae’r amrywiol arddangosfeydd dros dro yn mynd â stori Pentywyn i gyfeiriadau eraill: o gyflawniadau Amy Johnson i'r syniadau ar gyfer dyluniadau ceir cynaliadwy yn y dyfodol.

A pheidiwch â cholli profiad fideo gwych Babs, sy'n eich galluogi i deimlo'r grymoedd fel pe baech chi'n gyrru'r car rasio chwedlonol ar hyd y tywod!

Dewch i gael cip y tu ôl i’r llen yn yr Amgueddfa Cyflymder!
I gael cyfle i archwilio casgliadau a straeon yr amgueddfa yn fwy manwl, ymunwch ag un o'r teithiau dan arweiniad arbenigwyr a byddwch ymhlith y bobl gyntaf i fwynhau'r amgueddfa yn y ffordd newydd hon.
Mae nifer y lleoedd wedi'u cyfyngu i ddim ond 30 y dydd, felly peidiwch â cholli eich cyfle! Ewch i wefan CofGâr a dilynwch y ddolen archebu i sicrhau eich lle heddiw.

Rhaid archebu lle ar gyfer y teithiau. Bydd dwy daith am ddim, ar gyfer uchafswm o 15 o bobl yr un, am 11am a 2pm. Bydd y teithiau’n para am oddeutu awr.
Bydd yr Amgueddfa Cyflymder ar agor i ymwelwyr rhwng 10am a 5pm ar y ddau ddiwrnod.

Gallwch archebu eich lle am ddim drwy:
Gwefan: https://cofgar.cymru/
Ebost: info@cofgar.wales
Ffôn: 01267 224611 (yn ystod oriau agor)
Wyneb yn wyneb

Cyfeiriad - Amgueddfa Cyflymder, Marsh Road, Pentywyn, Caerfyrddin, SA33 4NY.

Gellir dod o hyd i gyfarwyddiadau i'r lleoliad yma: https://cofgar.wales/museum-of-land-speed-other/sustainable-travel-to-m…
Gellir dod o hyd i wybodaeth hygyrchedd am yr eiddo yma: https://cofgar.wales/museum-of-land-speed-other/museum-of-land-speed-accessibility-guide/