Gweithdai Cyflwyniad i Rwymo Llyfrau.

Ymunwch â'r rhwymwr llyfrau profiadol Kate Thomas yn y gweithdy hwn sy’n rhoi cyflwyniad i rwymo llyfrau.

Byddwch yn dysgu sut i blygu a rhwymo llyfr syml gan ddefnyddio offer traddodiadol a chyfoes a chreu llyfr nodiadau clawr papur A5 y gallwch fynd ag ef adref gyda chi!

Bydd y sesiwn yn para 60-90 munud, a bydd yr holl offer a deunyddiau’n cael eu darparu. Nid oes angen unrhyw brofiad.

Mae angen tocyn ar gyfer y digwyddiad hwn a rhaid archebu o flaen llaw. Mae’r tocynnau ar gyfer y digwyddiad hwn yn cynnwys mynediad cyffredinol i'r castell, felly mae croeso i chi fynd i archwilio'r heneb cyn neu ar ôl eich sesiwn.

Mae'r gweithdy hwn yn addas ar gyfer oedran 11+. Ar gyfer plant o dan 16, mae angen i oedolyn ymuno a chymryd rhan yn y gweithgaredd hefyd.

Cyrhaeddwch 10 munud cyn i'ch sesiwn ddechrau os gwelwch yn dda.