Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Yswiriant Atebolrwydd Cyhoeddus a Chytundeb Lleoliadau

Yswiriant Atebolrwydd Cyhoeddus

Mae angen i fusnesau ac unigolion gael Yswiriant Atebolrwydd Cyhoeddus ar gyfer digwyddiadau a gweithgareddau a allai effeithio ar drydydd partïon (aelodau’r cyhoedd, ymwelwyr, tresmaswyr, isgontractwyr ayyb a allai gael eu hanafu neu a allai ddifrodi’r eiddo).

Gofynnir i lawer o drefnwyr digwyddiadau sy’n ystyried cynnal digwyddiadau neu drefnu gweithgareddau megis ffilmio ar safleoedd Cadw ddarparu copi o’u tystysgrif Yswiriant Atebolrwydd Cyhoeddus.

Mae gan y rhan fwyaf o fusnesau, elusennau, ysgolion a phrifysgolion Yswiriant Atebolrwydd Cyhoeddus i ymorol am y digwyddiadau dan sylw – a dim ond ar gyfer ein cofnodion yr ydym yn gofyn i’r trefnydd am gopi!

Os ydych yn unigolyn neu’n grŵp cymunedol sy’n trefnu digwyddiad ar un o safleoedd Cadw a chithau heb Yswiriant Atebolrwydd Cyhoeddus, gallwch brynu un ar y we yn gymharol rhad. Defnyddiwch wefannau i gymharu prisiau er mwyn cael y fargen orau ar eich cyfer chi.

Mae Yswiriant Atebolrwydd Cyhoeddus, gwerth hyd at £5 miliwn, yn ofynnol ar gyfer pob digwyddiad ar safleoedd Cadw, ond os byddwch yn cynnal digwyddiad cymunedol sy’n bodloni ein meini prawf, pryd y bydd y rhai sy’n cymryd rhan yn talu ffioedd mynediad cyffredin i ymweld â’r heneb, ni fydd angen ichi ddarparu Yswiriant Atebolrwydd Cyhoeddus. Os nad ydych yn siŵr, rydym yn argymell eich bod yn prynu yswiriant i ymorol am eich digwyddiad.

Cytundeb Lleoliadau

Gellir lawrlwytho’r cytundeb lleoliadau oddi ar y dudalen hon – ac rydym yn dymuno i’r rhan fwyaf o bobl sy’n cynnal digwyddiadau a gweithgareddau ar ein safleoedd lofnodi hwn.

Os oes gennych ymholiadau am ein cytundeb lleoliadau, cysylltwch â cadwcommercial@llyw.cymru i drafod o’r dechrau’n deg, cyn ichi wneud unrhyw drefniadau ar gyfer y digwyddiad, y ffilmio neu’r ffotograffiaeth. Gallwn holi ein tîm cyfreithiol, ond ni allwn addo y byddwn yn addasu’r cytundeb ar gyfer eich anghenion chi, a chofiwch y bydd materion cyfreithiol yn golygu bod angen mwy o amser i brosesu eich cais.