Beddrod Siambr Bryn Celli Ddu
Wedi ei gyhoeddi

Camwch yn ôl mewn amser ym Mryn Celli Ddu, ger Llanfair PG, ar 17 Mehefin 2023 ar gyfer digwyddiad hanes byw sy'n ceisio archwilio tirwedd, defod, lliw, a dathlu archaeoleg trwy ddehongli creadigol.

Mae Bryn Celli Ddu yn un o'r safleoedd archeolegol enwocaf ym Mhrydain, roedd y beddrod 5,000-mlwydd-oed ar un adeg wedi’i adeiladu i thalu parch i weddillion y cyndeidiau.

Rhwng 11–4pm ar 17 Mehefin, bydd diwrnod agored i ddathlu cynhanes Cymru a thu hwnt yn cael ei gynnal ym Mryn Celli Ddu gyda thro newydd! Eleni rydym yn edrych yn fanwl ar archeoleg a hanes hynafol o Oes Neolithig ac Efydd Cymru a thu hwnt ac yn tynnu sylw at y defnydd o liw yn y gorffennol.

Trwy gydol y dydd, bydd y mynychwyr yn cael eu gwahodd i wylio arddangosiadau naddu fflint byw gydag arbenigwyr fflint Ancient Crafts; mynd ar daith archaeoleg ddwyieithog o amgylch yr heneb gyda'r hynafiaethydd enwog Rhys Mwyn; gwylio arddangosiadau o dechnegau gwneud potiau a basgedi hynafol; drwodd i ddarganfod mwy am liwiau naturiol hynafol, pigmentau paent mwynol ocr a daeareg liwgar yr ynys gyda Stone Science.

Bydd gweithgareddau ‘rhowch gynnig arni’ a llawer o arbenigwyr a all eich cyfarwyddo ar wahanol grefftau a sgiliau’r oes.

Hefyd, bydd y mynychwyr yn cael cyfle unigryw i siarad ag aelodau Urdd Derwyddon Ynys Môn am arwyddocâd codiad haul yr heuldro ym Mryn Celli Ddu.

Dywedodd Dr Ffion Reynolds, Rheolwr Treftadaeth a Chelfyddydau yn Cadw:

“Mae Bryn Celli Ddu yn heneb anhygoel, ac yn safle gwych i hyrwyddo archaeoleg a hanes toreithiog Ynys Môn. Mae cyfuno hanes cyfoethog heneb a’r celfyddydau gyda digwyddiadau fel hyn yn helpu i agor y safleoedd i fwy o bobl fwynhau a dod â threftadaeth a hanes Cymru yn fyw mewn ffordd gofiadwy.”

I gael rhestr lawn o ddigwyddiadau’r haf, ewch i www.llyw.cymru/cadw, dewch o hyd i Cadw ar Facebook neu dilynwch @CadwWales ar Twitter.