Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Wedi ei gyhoeddi

Y Cwnsler Cyffredinol yn rhoi tystiolaeth wrth i broses graffu’r Senedd ddechrau

Agorodd y Pwyllgor Deddfwriaeth, Cyfiawnder a Chyfansoddiad, dan gadeiryddiaeth Huw Irranca Davies, AS, ei broses graffu ar Fil yr Amgylchedd Hanesyddol (Cymru) gyda sesiwn rithwir ar 11 Gorffennaf 2022. Croesawodd y pwyllgor y Cwnsler Cyffredinol a Gweinidog y Cyfansoddiad, Mick Antoniw AS ynghyd a Dylan Hughes, Prif Gwnsler Deddfwriaethol a James George, Uwch-gwnsler Deddfwriaethol.

Yn ystod y cyfarfod 90 munud, derbyniodd aelodau’r pwyllgor – a oedd yn gyffrous eu bod yn mynd i graffu ar y Bil cydgrynhoi cyntaf i’w gyflwyno gerbron y Senedd – dystiolaeth gan y Cwnsler Cyffredinol a’r Cwnsleriaid Deddfwriaethol ar bynciau’n amrywio o’r dull cyffredinol o ymdrin â chydgrynhoi a beth oedd wedi’i gynnwys a’i hepgor o’r Bil, i faterion manwl fel terminoleg ac agweddau ar y drafftio, i sut y byddai’r ddeddfwriaeth yn gweithredu fel rhan o god cyfraith ar yr amgylchedd hanesyddol. Gallwch wylio’r sesiwn gyfan ar Senedd.tv neu ddarllen trawsgrifiad o’r drafodaeth.

Mae’r pwyllgor wedi ysgrifennu at y Cwnsler Cyffredinol eisoes yn gofyn am ragor o fanylion ar nifer o bwyntiau a bydd yn parhau i gasglu tystiolaeth dros yr haf a’r hydref. Gall y Pwyllgor wahodd tystiolaeth ysgrifenedig gan randdeiliaid â diddordeb dros yr haf a chynnal sesiwn dystiolaeth lafar yn yr hydref. Mae’r Cwnsler Cyffredinol wedi cael gwahoddiad eisoes  i ddychwelyd yn Nhachwedd i drafod materion a allai godi yn ystod ystyriaeth y pwyllgor o’r Bil. Cyn diwedd y flwyddyn, bydd y pwyllgor yn adrodd yn ôl i’r Senedd ar a ddylai’r Bil symud ymlaen fel Bil Cydgrynhoi.