Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Baddondy Rhufeinig Caerllion
Wedi ei gyhoeddi

Mae chwe gwirfoddolwr lleol wedi cael eu penodi yn Eiriolwyr Cymunedol Caerllion ar gyfer Caerllion Rufeinig – Gweithio mewn Partneriaeth. 

Mae Amgueddfa Cymru, Cadw a Chyngor Dinas Casnewydd yn falch o gydweithio i wneud y mwyaf o botensial treftadaeth Rufeinig Caerllion er budd y gymuned ac ymwelwyr, ac yn croesawu'r Eiriolwyr newydd i'r tîm yn gynnes. 

Mae rôl yr Eiriolwyr yn allweddol am eu bod yn gweithio'n agos â'r bartneriaeth er mwyn sicrhau y bydd lleisiau'r gymuned yn parhau i lywio'r cynlluniau ar gyfer adfywio Caerllion Rufeinig er budd pawb. 

Bydd yr Eiriolwyr yn rhoi lleisiau'r gymuned wrth wraidd y 'bartneriaeth'. Dewiswyd chwe Eiriolwr, dau yn fwy nag oedd y 'bartneriaeth' yn bwriadu eu dewis, sy'n dangos ystod y sgiliau a'r brwdfrydedd a ddaeth i'r amlwg.

Dewiswyd Brett Childs, Harry Weeks a Huw Wilkinson yn Eiriolwyr ar gyfer y Bwrdd Llywodraethu, a cafodd Justine Desmond, Cheri Hughes a Neil Pollard eu dewis yn Eiriolwyr ar gyfer y Grŵp Llywio. Bydd y rolau hyn yn para blwyddyn, gyda phosibilrwydd o ymestyn am ddwy neu dair blynedd yn ddibynnol ar gyllid ac adolygiad. ⁠

Hyd yn hyn, mae'r 'bartneriaeth' wedi bod yn gweithio ar gynllun i greu arlwy cyffrous yn y dyfodol ar gyfer Caerllion Rufeinig, a bydd yr Eiriolwyr yn sicrhau y bydd safbwyntiau lleol yn cael eu cynnwys wrth:

  • orffen llunio gweledigaeth newydd ar gyfer arlwy treftadaeth a thwristiaeth Caerllion
  • archwilio ffyrdd o wella'r profiad ar draws y safleoedd Rhufeinig a safleoedd hanesyddol eraill
  • siapio a dethol y dewisiadau fydd yn cyrraedd y cam cynllunio manwl, a gobeithio, yn cael eu gwireddu.

Dros y 18 mis nesaf, bydd cyfleoedd i ymgysylltu â'r gymuned a rhanddeiliaid er mwyn i bobl gael cymryd rhan a rhannu'u syniadau. Mae'r Eiriolwyr hefyd yn datblygu syniadau ar gyfer rhaglen o ddigwyddiadau lleol gyda'r nod o ddathlu hanes a threftadaeth Caerllion a chodi ymwybyddiaeth o'r project.

Ar ôl i'r cam cyntaf hwn ddod i ben, bwriad y 'bartneriaeth' yw ceisio am nawdd ar gyfer project mwy uchelgeisiol fydd yn cychwyn y gwaith o wireddu'r weledigaeth newydd 

Meddai'r Eiriolwr Brett Childs: "Mae’n gyffrous i fod yn rhan o broject Caerllion Rufeinig – Gweithio mewn Partneriaeth er mwyn rhoi Caerllion ar y map. Dwi'n awyddus i gyfrannu fy arbenigedd a syniadau fy hun at y Bwrdd Llywodraethu a chefnogi gweddill Eiriolwr Cymunedol Caerllion i roi lleisiau'r gymuned wrth wraidd cynnig twristaidd Caerllion."

I gael rhagor o wybodaeth am broject Caerllion Rufeinig – Gweithio mewn Partneriaeth, e-bostiwch Dai.Price@amgueddfacymru.ac.uk.

I gysylltu ag Eiriolwyr Cymunedol Caerllion, e-bostiwch Cymuned.Caerllion@amgueddfacymru.ac.uk  Caerleon.Community@museumwales.ac.uk