Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Wedi ei gyhoeddi

Yn dilyn cyhoeddiad diweddaraf Llywodraeth Cymru ynghylch llacio cyfyngiadau coronafeirws yng Nghymru, rydym wedi diweddaru ein canllawiau ar gyfer archebu tocynnau mynediad i’n safleoedd.

O ddydd Llun 9 Awst 2021, nid yw hi bellach yn orfodol i aelodau Cadw nac ymwelwyr ragarchebu tocyn mynediad i'r safle er mwyn ymweld â safleoedd Cadw. Bydd tocynnau ar gael i'w cadw wrth gefn neu i’w prynu wrth y drws.

Fodd bynnag, er mwyn sicrhau mynediad ac osgoi siom, rydym yn argymell yn gryf bod ymwelwyr yn parhau i ragarchebu tocynnau ar ein gwefan cyn teithio — yn enwedig ar gyfer rhai o’n safleoedd mwyaf yn ystod cyfnodau prysur fel penwythnosau neu ddigwyddiadau.

Gall ymwelwyr brynu tocynnau, a gall aelodau gadw tocynnau wrth gefn am ddim.

Archebwch docynnau

Ni ellir ad-dalu tocynnau sydd wedi’u prynu, felly cynghorir ymwelwyr i sicrhau eu bod yn gallu bod yn bresennol ar y dyddiad a ddewisir cyn archebu.

Er ein bod yn falch iawn o allu llacio'r rhan fwyaf o ragofalon coronafeirws ac agor mwy o rannau o’n safleoedd, hoffem roi sicrwydd i ymwelwyr ac aelodau Cadw mai ein prif flaenoriaeth o hyd yw darparu profiad diogel ar y safle i bawb.

Fel rhan o hyn, rydym yn cadw'r hawl i gadw rhai rhagofalon ar y safle ar waith i helpu i reoli symudiadau o amgylch ein henebion. Parchwch arwyddion fel systemau un ffordd a cheisiadau gan staff yn ôl y gofyn.

Yn ychwanegol, bydd y rhan fwyaf o'n safleoedd yn parhau i gau amser cinio am lanhad trylwyr, a gofynnir i ymwelwyr y bore orffen eu hymweliad erbyn 1yh.

Yn olaf, yn unol â chyfyngiadau presennol Cymru, rhaid i ymwelwyr wisgo gorchudd wyneb ym mhob rhan dan do o'n safleoedd treftadaeth.

Ewch i dudalennau gwe unigol ein safleoedd i gael rheoliadau manylach sy'n benodol i bob safle cyn archebu.

Mae diweddariadau pellach yn cynnwys:

  • erbyn hyn, mae’r rhan fwyaf o'n safleoedd gydag opsiwn prynu tocynnau ar-lein ar gyfer ymweliad bore neu brynhawn. Fodd bynnag, bydd ambell un o'n safleoedd yn parhau i gynnig slotiau awr yn unig i ymwelwyr oherwydd eu maint neu eu strwythur a’u cynllun unigryw
  • bydd capasiti mwy yn y rhan fwyaf o'n safleoedd, gan gynnwys Castell Biwmares a fydd yn awr yn gallu lletya 1,500 o bobl y dydd
  • bydd Llys a Chastell Tretŵr, Gwaith Haearn Blaenafon, Castell Talacharn, Castell Conwy a Chastell Caernarfon bellach ar agor saith diwrnod yr wythnos
  • bydd ymwelwyr sy'n rhagarchebu tocyn mynediad i'r safleoedd ar-lein yn derbyn disgownt o 10% wrth brynu unrhyw lyfr tywys. Gall y rhain gael eu casglu ar y safle yn ystod eich ymweliad
  • bydd aelodau blwyddyn gyntaf English Heritage a Historic Scotland sy'n archebu eu tocynnau mynediad i'r safleoedd ar-lein, yn talu pris mynediad gostyngedig o 50% wrth gyrraedd y safleoedd.