Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Wedi ei gyhoeddi

Fel rhan o’n prosiect partneriaeth i annog pobl i ddefnyddio trafnidiaeth gyhoeddus i gael mynediad at lwybrau cerdded lleol a helpu i wella eu hiechyd a’u lles, bydd Cerddwyr Cymru yn arwain 6 taith gerdded am ddim i deuluoedd dros hanner tymor y Pasg. 

Ddydd Llun 3ydd Ebrill a dydd Mawrth 4ydd Ebrill, bydd y teithiau tywys yn dechrau mewn 4 o’n gorsafoedd, gorsaf drenau y Fflint, Ynys y Barri, Y Bermo a Phorth Tywyn.  Bydd y lleoedd yn gyfyngedig i 20, gan gynnwys oedolion a phlant.  Fel rhan o'r teithiau antur llawn hwyl hyn i’r teulu, bydd cyfle i oedi a mwynhau’r golygfeydd anhygoel, yn ogystal â chymryd rhan mewn rhai gweithgareddau hwyliog i’r teulu cyfan. 

Bydd pob plentyn yn cael llyfr gweithgareddau Cerddwyr Cymru yn anrheg a chyfle i'w ddefnyddio ar hyd y llwybr er mwyn darganfod ac adnabod bywyd gwyllt lleol. 

Mae'r teithiau cerdded yn dilyn lansiad ein partneriaeth 'Cledrau, clebran, cerdded' sy'n annog pobl i ddefnyddio gwasanaethau trên lleol i gael mynediad at lwybrau cerdded newydd sy'n addas i deuluoedd sy'n cael eu datblygu gan Gerddwyr Cymru, sy'n dechrau ac yn gorffen mewn gorsafoedd lleol.

Dywedodd Angela Charlton, cyfarwyddwr Cerddwyr Cymru: “Mae’n wych gweithio gyda TrC i gynnig y teithiau cerdded hyn, maen nhw’n ffordd wych i deuluoedd ddod i adnabod rhannau o’n harfordir hardd.

“Rydym am weld cerdded wrth galon cymunedau ledled Cymru, ac annog ymwelwyr a phobl leol i archwilio a mwynhau profiadau positif yn yr awyr agored ac elwa ar fanteision iechyd a lles a ddaw yn eu sgil, mewn ffordd fwy cynaliadwy.”

I gadw lle am ddim, ewch i:

3ydd Ebrill  

Teithiau Cerdded i'r Teulu - Y Fflint 10am–12pm https://FlintRambleAM.eventbrite.co.uk

Teithiau Cerdded i'r Teulu - Y Fflint 2pm–4pm https://FlintRamblePM.eventbrite.co.uk

Teithiau Cerdded i'r Teulu - Ynys y Barri 10am–12pm https://BarryIslandRambleAM.eventbrite.co.uk

Teithiau Cerdded i'r Teulu - Ynys y Barri 2pm–4pm https://BarryIslandRamblePM.eventbrite.co.uk

4ydd Ebrill

Teithiau Cerdded i'r Teulu - Y Bermo - 10.15am–2pm https://BarmouthRamble.eventbrite.co.uk

Teithiau Cerdded i'r Teulu - Porth Tywyn - 10am–12pm https://BurryPortRamble.eventbrite.co.uk