Deddf yr Amgylchedd Hanesyddol (Cymru) 2023
Rheoliadau i gefnogi Deddf yr Amgylchedd Hanesyddol (Cymru) 2023
Cafodd y rhan fwyaf o'r is-ddeddfwriaeth newydd sydd ei hangen i gefnogi Deddf yr Amgylchedd Hanesyddol (Cymru) 2023 ('Deddf 2023') ei gwneud ar 9 Medi pan lofnododd Jane Hutt AS, Ysgrifennydd y Cabinet dros Ddiwylliant, Cyfiawnder Cymdeithasol, y Trefnydd a'r Prif Chwip, chwe set o reoliadau. Gosodwyd y rheoliadau hyn gerbron y Senedd ar 11 Medi ac, ar yr amod nad oes gwrthwynebiad gan y Senedd o fewn 40 diwrnod, byddant yn dod i rym ochr yn ochr â'r Ddeddf ar 4 Tachwedd 2024. Gellir gweld yr holl reoliadau newydd yn deddfwriaeth.gov.uk.
Mae pump o'r chwe set o reoliadau yn ailddatgan is-ddeddfwriaeth bresennol yng ngoleuni Deddf 2023, fel y nodir yn y tabl canlynol.
Rheoliadau newydd | Is-ddeddfwriaeth bresennol |
| Rheoliadau Adeiladau Rhestredig ac Ardaloedd Cadwraeth (Gweithdrefn a Chyfradd Llog) (Cymru) 2024 |
|
| Rheoliadau Adeiladau Rhestredig (Adeiladau Crefyddol Esempt) (Cymru) 2024 | Gorchymyn Esemptiad Eglwysig (Adeiladau Rhestredig ac Ardaloedd Cadwraeth) (Cymru) 2018 |
| Rheoliadau Adeiladau Rhestredig (Cytundebau Partneriaeth) (Cymru) 2024 | Rheoliadau Adeiladau Rhestredig (Cytundebau Partneriaeth Dreftadaeth) (Cymru) 2021 |
| Rheoliadau Ceisiadau am Gydsyniad Heneb Gofrestredig (Cymru) 2024 | Rheoliadau Henebion Hynafol (Ceisiadau am Gydsyniad Heneb Gofrestredig) (Cymru) 2017 |
| Rheoliadau Henebion Cofrestredig (Cytundebau Partneriaethau) (Cymru) 2024 | Rheoliadau Henebion Cofrestredig (Cytundebau Partneriaeth Dreftadaeth) (Cymru) 2021 |
Gan ddefnyddio'r un dull a gymerwyd gyda Deddf 2023, mae'r rheoliadau newydd yn diweddaru ac yn ailddatgan rheoliadau, gorchmynion a chyfarwyddydau presennol, ond nid ydynt yn newid effaith y gyfraith. Bydd yr holl is-ddeddfwriaeth bresennol a nodir yn y tabl yn cael ei diddymu a'i disodli pan ddaw'r rheoliadau newydd i rym ar 4 Tachwedd.
Mae'r pum set hyn o reoliadau, fel Deddf 2023, yn datgan eu bod yn rhan o god o gyfraith sy'n ymwneud â'r amgylchedd hanesyddol i Gymru. Bwriad y datganiad statws hwn yw helpu pobl sydd â diddordeb yn y gyfraith ar bwnc penodol - yr amgylchedd hanesyddol yn yr achos hwn – i ddod o hyd iddi a'i dosbarthu'n haws.
Bydd dwy set arall o reoliadau yn gwneud diwygiadau canlyniadol yn sgil Deddf 2023. Mae'r cyntaf, a wnaed ar 9 Medi ac a osodwyd gerbron y Senedd ddeuddydd yn ddiweddarach, yn gwneud newidiadau i is-ddeddfwriaeth:
Nid yw'r set olaf o reoliadau, a fydd yn ddarostyngedig i weithdrefn wahanol gan y Senedd oherwydd ei bod yn diwygio deddfwriaeth sylfaenol, wedi'i gwneud eto:
Rheoliadau Deddf yr Amgylchedd Hanesyddol (Cymru) 2023 (Darpariaeth Ganlyniadol) (Deddfwriaeth Sylfaenol) 2024 [heb eu gosod eto]
Gan na fyddant yn disodli'r rheoliadau presennol ac nad ydynt o sylwedd, ni fydd y rheoliadau canlyniadol hyn yn rhan o god yr amgylchedd hanesyddol. Dylent hefyd ddod i rym ar 4 Tachwedd.
