Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Wedi ei gyhoeddi

Dyma ddreigiau!

Mae tîm Dysgu Gydol Oes Cadw wedi darparu amrywiaeth o weithdai gwneud pypedau ar y cyd â Youth Shedz Cymru a Puppet Soup yr haf hwn.

Mae'r gweithdai wedi cael eu cyflwyno mewn amryw o leoliadau cymunedol ledled gogledd Cymru. Gan wahodd teuluoedd a phobl ifanc i greu eu draig Gymreig eu hunain, bu’r cyfan yn llwyddiant ysgubol.

Young boy making a dragon puppet at workshop event

Mae'r gweithdai, dan arweiniad Puppet Soup — grŵp pypedwaith wedi'i leoli yng Nghymru — yn rhan o brosiect Mythau a Chwedlau Cymru sy'n annog pobl ifanc i ddysgu am hanes cyfoethog mythau a chwedlau Cymru wrth ddysgu celfyddyd hynafol pypedwaith.

Yn ystod y broses greadigol, roedd yna nifer o gymeriadau pyped i’w cyfarfod. Bu’r rhain yn ysbrydoli'r crewyr ifanc i feddwl sut y gallai eu dreigiau gael eu dwyn yn fyw a hedfan ar draws awyr gogledd Cymru.

A young boy and girl watch a puppet demonstration

Erbyn diwedd y gweithdai, roedd teuluoedd a phobl ifanc wedi creu dros gant o bypedau draig o ddyluniadau a lliwiau syfrdanol: wrth ddarganfod mythau'r Gymru hynafol a'i dreigiau chwedlonol.

Dragon puppet being worked outside in bright sunshine

I gael rhagor o wybodaeth am dîm Dysgu Gydol Oes Cadw a'u prosiectau presennol, cysylltwch â cadw.education@gov.wales

Mae Youth Shedz yn fenter arobryn sy'n darparu lle diogel i bobl ifanc archwilio pwy ydyn nhw, i ddatblygu perthnasoedd cymdeithasol gyda modelau rôl addas, ac i ddatblygu a dysgu sgiliau newydd.

I gysylltu â'r grŵp, e-bostiwch: info@youthshedz.com 

Cwmni theatr arobryn yw PuppetSoup sy’n creu ‘pypedau’. I bawb. Gan gynnig sioeau, cyrsiau, dosbarthiadau a gweithdai, mae'r grŵp hefyd yn darparu digwyddiadau a phrosiectau cymunedol.

I gael gwybod mwy, e-bostiwch: info@puppetsoup.com