Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Wedi ei gyhoeddi

Ddydd Sul nesaf [dydd Sul 14  Medi], bydd llawer o safleoedd diwylliannol, cestyll a henebion ledled Cymru yn rhad ac am ddim i blant ymweld â nhw i nodi Diwrnod Owain Glyndŵr.

Mae llawer yn ystyried mai Tywysog brodorol olaf Cymru oedd Owain Glyndŵr a chaiff ei goffáu bob blwyddyn ar 16 Medi, gan nodi’r diwrnod y cafodd yr arwr cenedlaethol Cymreig ei gyhoeddi'n Dywysog Cymru gan ei ddilynwyr yn 1400.

Mae 16 Medi hefyd yn symbol o ddechrau 'gwrthryfel Glyndŵr' - gwrthryfel 15 mlynedd yn erbyn rheolaeth Harri IV yn Lloegr. Er na lwyddodd yn y pen draw, fe wnaeth roi ymdeimlad o hunaniaeth a balchder eto i bobl Cymru.

Mae Cadw, gwasanaeth amgylchedd hanesyddol Llywodraeth Cymru sy'n cyflwyno’r cynnig mynediad am ddim, yn gofalu am gannoedd o lefydd nodedig ledled y wlad. Yn ystod ei wrthryfel, gwarchaeodd Owain Glyndŵr ar lawer o'r cestyll enwog sydd bellach yng ngofal Cadw, gan gynnwys Caernarfon, Coety, Dinefwr a Chydweli.

Dywedodd y Gweinidog Diwylliant, Jack Sargeant:

"Mae Owain Glyndŵr yn parhau i fod yn un o ffigurau mwyaf nodedig Cymru, ac mae ei etifeddiaeth yn parhau i lunio ein hunaniaeth genedlaethol heddiw.

"Drwy gynnig mynediad am ddim i blant ar safleoedd Cadw yn ei enw, rydym yn cysylltu ein cenhedlaeth nesaf â'r cyfnod hollbwysig hwn yn hanes Cymru. Nid cerrig a morter yn unig yw ein cestyll a'n henebion godidog - maen nhw'n dystiolaeth fyw ac mae'n briodol ein bod yn eu gwneud yn hygyrch i bawb wrth i ni goffáu'r diwrnod y cafodd ei gyhoeddi'n Dywysog Cymru."

Dywedodd Pennaeth Cadw, Gwilym Hughes:

"Rydym yn gobeithio, drwy gynnig mynediad am ddim i'r rhai dan 17 oed, bydd mwy o bobl yn cael eu hannog i ymweld â lleoliadau Cadw a rhoi blas go iawn i'w teuluoedd ar hanes cyffrous ac amrywiol Cymru."

"Mae gan bob lleoliad Cadw stori unigryw i'w hadrodd - llawer ohonynt wedi'u llunio gan wrthryfel Owain Glyndŵr. Er na lwyddodd yn ei uchelgais yn y pen draw, mae ei etifeddiaeth yn parhau mewn sawl lleoliad, gan gynnwys rhai safleoedd Cadw."