Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Hysbysu Gweinidogion Cymru

Os yw awdurdod cynllunio lleol yn bwriadu rhoi cydsyniad adeilad rhestredig mae’n rhaid iddo hysbysu Gweinidogion Cymru, drwy Cadw, yn gyntaf.

Mae hyn yn caniatáu i Weinidogion Cymru benderfynu a ydynt am alw’r cais i mewn er mwyn iddynt benderfynu arno eu hunain neu ganiatáu i’r awdurdod cynllunio lleol benderfynu ar y cais ei hun. Os bydd yr awdurdod cynllunio’n penderfynu gwrthod rhoi cydsyniad, gall wneud hynny heb hysbysu Gweinidogion Cymru.

Mae Gweinidogion Cymru yn awyddus i weld penderfyniadau ynghylch cydsyniad adeilad rhestredig yn cael eu gwneud yn lleol. Gallant gyfarwyddo nad oes gofyn i’r broses hysbysu — Adran 95 o Ddeddf yr Amgylchedd Hanesyddol (Cymru) 2023 — fod yn berthnasol i rai categorïau penodol o geisiadau am gydsyniad adeilad rhestredig. Maent wedi cyfarwyddo  na fydd angen i awdurdodau cynllunio lleol hysbysu Gweinidogion Cymru os ydynt yn bwriadu rhoi caniatâd ar gyfer gwaith sy’n effeithio ar y tu mewn i adeilad rhestredig gradd II (heb seren).

Gall Gweinidogion Cymru hefyd gyfarwyddo, ar yr amod bod yr awdurdod cynllunio lleol yn cael caniatâd ysgrifenedig Cadw, na fydd Adran 95 yn gymwys i unrhyw gais am waith ar adeilad gradd II (heb seren) heblaw am ddymchwel.  Fodd bynnag, rhaid i'r awdurdod cynllunio lleol gael cyngor swyddog cadwraeth adeiladau arbenigol a enwir ar bob cais o'r fath.

Mae'r awdurdodau cynllunio lleol canlynol wedi'u hawdurdodi i roi caniatâd ar gyfer gwaith i adeiladau rhestredig gradd II (heb seren) heb hysbysu Gweinidogion Cymru:

  • Awdurdod Parc Cenedlaethol Arfordir Penfro
  • Awdurdod Parc Cenedlaethol Bannau Brycheiniog
  • Cyngor Bro Morgannwg
  • Cyngor Bwrdeistref Sirol Blaenau Gwent — gweinyddir gan Gyngor Sir Fynwy
  • Cyngor Bwrdeisdref Sirol Torfaen — gweinyddir gan Gyngor Sir Fynwy
  • Cyngor Bwrdeistref Sirol Wrecsam
  • Cyngor Sir Fynwy — ynghyd â gradd II*
  • Cyngor Sir Gâr
  • Cyngor Sir Penfro

Am fwy o wybodaeth, gweler Nodyn Cyngor Technegol 24: Yr Amgylchedd Hanesyddol 5.18–5.21.