Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Tirweddau hanesyddol cofrestredig

Mae tirwedd Cymru yn adnodd hanfodol ar gyfer lles cymdeithasol, economaidd ac amgylcheddol. Mae hefyd yn hanesyddol — wedi'i ffurfio gan weithgarwch dynol ac yn llawn tystiolaeth o'r gorffennol. Er mwyn cydnabod gwerth tirweddau hanesyddol a chodi ymwybyddiaeth o'u pwysigrwydd mae Cadw wedi llunio Cofrestr o Dirweddau o Ddiddordeb Hanesyddol yng Nghymru. Mewn dwy gyfrol, mae'n nodi 58 o dirweddau o ddiddordeb hanesyddol eithriadol neu arbennig, yr ystyrir mai hwy yw'r enghreifftiau gorau o'r gwahanol fathau o dirweddau hanesyddol yng Nghymru.

Mae'r Gofrestr yn rhoi gwybodaeth i'r rhai sy'n gwneud penderfyniadau a rheolwyr tirwedd, i helpu i sicrhau y cynhelir cymeriad hanesyddol y dirwedd ac, os ystyrir newid y dirwedd, fod hynny'n seiliedig ar wybodaeth.

Mae canllaw arfer da yn esbonio sut y dylid defnyddio'r Gofrestr o dirweddau yn y broses Cynllunio a Datblygu i asesu effaith datblygiadau mawr ar y dirwedd hanesyddol.

Disgrifio Nodweddion Tirwedd Hanesyddol

Mae disgrifio nodweddion yn edrych yn fanylach ar y dirwedd hanesyddol drwy ddangos y prosesau sydd wedi ffurfio'r dirwedd dros ganrifoedd o weithgarwch dynol, gan gyfrannu at ei chymeriad presennol. Mae astudiaethau manwl i ddisgrifio nodweddion wedi'u cynnal gan y pedair Ymddiriedolaeth Archaeolegol yng Nghymru (Heneb: Ymddiriedolaeth Archaeoleg Cymru) ar gyfer pob un o'r 58 o ardaloedd ar y gofrestr. Mae'r astudiaethau hyn ar gael ar-lein. Maent yn ffynhonnell dda o wybodaeth am hanes y dirwedd ac fe'u defnyddir gan lywodraeth leol a datblygwyr i helpu i asesu effaith cynigion datblygu ar y dirwedd hanesyddol.

Heneb: Ymddiriedolaeth Archaeoleg Cymru

Mae Gofalu am Dirweddau Hanesyddol Cymru yn egluro pwysigrwydd cyffredinol a gwerth tirweddau hanesyddol yng Nghymru ac yn rhoi cyflwyniad da i’r sawl sydd am ddysgu rhagor am yr agwedd hon ar ein gorffennol cyfoethog ac amrywiol.